Ukubilisha

◼ Ulupapulo lukabomfiwa mu July: Ukulenga Ubumi bwa Lupwa Lobe ubwa Nsansa nelyo iili yonse iya mabroshuwa ya mabula 32 ayakonkapo: Bushe Lesa mu Cituntulu Alatusakamana?, Ipakishe Ubumi pe Sonde kuli Pe na Pe!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Caba Imifwaile ya Bumi—Ni Shani Fintu Wingaisanga?, na Ilyo Untu Watemwa Afwa. August na September: Kampeni waibela uwa Kuti Waikala Kuli Pe na pe muli Paradise Pe Sonde pa musangulo wabweshiwako. (K1,200 kuli bakasabankanya ba mu cilonganino ne cintubwingi, K800 kuli bapainiya ku citabo cikalamba; K600 kuli bakasabankanya ba mu cilonganino ne cintubwingi, K400 kuli bapainiya ku citabo icinono.) October: Ukulembesha atemwa Loleni! nelyo Ulupungu lwa kwa Kalinda. Cito kubombesha kwaibela ukushalika bamagazini. Ukulembesha kuti pambi kwatambikwa pa fipempu fya kubwelelamo. ISHIBENI: Ifilonganino ifishilati fiorde ifitabo fya kampeni ifyalumbulwa pa muulu filingile ukucite fyo pali formu wa Literature Request (S-AB-14) uwa cila mweshi.

◼ Sosaite ilepanga amabaundi volyumu aya The Watchtower mu CINGELESHI aya myaka 1951 ukufika ku 1959. Abali bonse bakasabankanya abapya nelyo ifilonganino ifipya abengafwaya ukukwatako ishi mpapulo kuti baorda shene nomba ukupitila mu cilonganino. Ishi mpapulo tashakasungwe na Sosaite mu kubelelela. Amabaundi volyumu fipe fyalamwa kabili tayalingile ukusungwa ne filonganino.

◼ Kampeni Waibela uwa July: Ifilonganino fyalyebelwe muli kalata ukuti mu mweshi wa July tukaba muli kampeni waibela uwa kutambika icitabo ca Ukulenga Ubumi bwa Lupwa Lobe ubwa Nsansa. Pekanyeni nomba ukwakanamo mu kukumanina mu mulimo wa ku ŋanda ne ŋanda mu kati ka uyu kampeni. Ifilonganino fyonse fikafwaya ukukumanya ififulo fyabo ifya kubombelamo ukufika pantu bengapesha ne ci ca kwaafwa ukusambilila Baibolo icaibela. Beni abacincimuka mu kutambika icitabo. Apantu uyu ali ni kampeni waibela, peelesheniko kusakamana kwa ntanshi ukucila pa fya kutambika fimbi. Lintu tacipokelwe, esheniko ica kutambika cimbi ica mabroshuwa. Imisangulo yabweshiwako iya K300 kuli bapainiya na K400 ku cilonganino ne cintubwingi kuti na fyo fyabe fya kukunta kuli bakasabankanya ne cintubwingi. Pekanyeni bwino kuli kampeni no kupingulapo ukwakanamo mu kukumanina mu kutambika icitabo ca Ubumi bwa Lupwa no kwaafwako abengi ukukwata ubumi bwa lupwa ubwawaminako.

◼ Impapulo Ishilipo:

Ukulenga Ubumi bwa Lupwa Lobe ubwa Nsansa—Icibemba, Icichewa, IciLozi, IciNgeleshi

Kuti Waikala Kuli Pe na pe muli Paradise Pe Sonde (icikalamba)—Icichewa, IciLozi, IciNgeleshi

Kuti Waikala Kuli Pe na pe muli Paradise Pe Sonde (icinono)—Icibemba, Icichewa, IciLozi, IciNgeleshi, IciTonga

Sing Praises to Jehovah (Inyimbo 29)—IciLozi