Ukubilisha
◼ Impapulo sha kubomfya mu August: Icitabo ca Kuti Waikala Kuli Pe na pe muli Paradise Pe Sonde nelyo iili yonse pali aya mabroshuwa yakonkapo aya mabula 32 kuti pambi yabomfiwa: Bushe Lesa mu Cituntulu Alatusakamana?, Ipakishe Ubumi pe Sonde kuli Pe na Pe!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Caba Imifwaile ya Bumi—Ni Shani Fintu Wingaisanga?, na Ilyo Untu Watemwa Afwa. September: Icitabo ca Ikala Kuli Pe na pe e cikabomfiwa. Tukabombeshe sana ku kutampa amasambililo ya Baibolo aya mu ŋanda. October: Ukulembesha atemwa Loleni! nelyo Ulupungu lwa kwa Kalinda nelyo bamagazini bonse babili. November: Tambikeni icitabo ca Kuti Waikala Kuli Pe na pe muli Paradise Pe Sonde. ISHIBENI: Ifilonganino ifishilati fiorde impapulo sha kampeni ishilumbwilwe pa muulu filingile ukucite fyo pali Formu wa Literature Request (S-AB-14) uwa cila mweshi uuli no kukonkapo.
◼ Ukufuma pa August 28 ukufika ku September 3, Sosaite ikalapenda impapulo shonse ishili mu Bethel. Pa mulandu wa uku kupenda, takwakabe amaorda ya filonganino aya mpapulo ayali yonse ayakabombwapo ku kutumwa nelyo ukuisendela muli ishi nshiku. Twapaapaata ishibeni na kabili ukuti Umuputule wa Fitabo uwa pa Bethel ukesalwa pali ishi shine nshiku na muli fyo takwakabe impapulo sha kushitisha bamunyina bakalapitako.
◼ Amaformu yalinga aya kubomfya mu mwaka wa mulimo uwa 1996 yaletumwa ku cilonganino cimo na cimo. Aya maformu tayalingile ukonaulwa. Mulingile ukuyabomfya ku mifwaile ya yako epela.
◼ Icilonganino cimo na cimo cili no kupokelela amaformu ya Kupendelapo Ifitabo (S-AB-18) yatatu. Kalemba wa cilonganino alingile ukukumana no mubomfi wa fitabo mu kubangilila kwa August no kumfwana ubushiku bengapenda impapulo bakwete pa cilonganino pa mpela ya uyo mweshi. Mulingile ukupenda mu cine cine impapulo shonse isho mukwete, no kulemba ubwingi bonse pali formu wa Kupendelapo Ifitabo. Kuti mwapoka impendwa ya bwingi bonse ubwa bamagazini abalipo ukufuma ku mubomfi wa magazini. Twapaapaata tumeni formu wa kubalilapo ku Sosaite te kucila pa September 6. Sungeni formu wa cibili mu mafaelo yenu. Kuti mwabomfya formu walenga butatu nge pepala lya kupendelapo. Uulingile ukwangalila uku kupenda ni kalemba, kabili formu waisushiwa bwino alingile ukubebetwa na kangalila wa kutangilila. Kalemba na kangalila wa kutangilila bali no kusaina pali uyu formu.
◼ Ifilonganino filingile ukutendeka ukuorda Kalenda wa Nte sha kwa Yehova uwa 1996 pali orda wabo uwa fitabo uwa September. Kalenda akabako mu Chichewa, Icibemba ne ciNgeleshi.
◼ Mu August icilonganino cimo na cimo cikapokelela amaformu yabili aya Lipoti wa Kulondolola Icilonganino (S-10). Komiti wa Mulimo alingile ukushininkisha ukuti aya maformu yaisushiwa mu kulungikwa no kubweshiwa ku Sosaite ilyo tacilafika pa September 10. Umwaka wapwa ifilonganino 332 tafyatumine amalipoti ya fiko.
◼ Ilyo kucili inshita tulefwaya ukwishibisha bonse ababa bapainiya wa nshita yonse ukutula pa October 1, 1994, nelyo pa ntanshi, kabili abashilati basangwe kwi Sukulu lya Mulimo wa Bupainiya ukuti isukulu likatungululwa mu October 1995. Twapaapaata pekanyeni imitantikile yashininkishiwa pa kuti mukasangwe kwi Sukulu lya Mulimo wa Bupainiya mu October. Ku numa, bamo balipuswa kuli ili sukulu apabula ne milandu isuma. Tatulefwaya bapainiya abali bonse ukupuswa kuli ili sukulu. Mukatuminwa ifyebo fyalundwapo kuli kangalila wa muputule.
◼ Impapulo Ishilipo:
Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?—IciLunda
Kuti Waikala Kuli Pe na pe muli Paradise Pe Sonde (Icikalamba ne cinono)—Icibemba, Ichichewa
New World Translation of the Holy Scriptures (Iya nkupo yanakilila iilinga mwi tumba; DLbi25b), kuli fye iyafiita—IciNgeleshi
Sing Praises to Jehovah (Icikalamba ne cinono)—Ichichewa
Ukukutika kuli Kasambilisha Mukalamba—Ichichewa
◼ Amakaseti Ayalipo:
Kingdom Melodies No. 1, 3, na 4 (Kaseti umo umo)
Sing Praises to Jehovah (Amakaseti cinekonsekonse muli alubamu umo)