Ukupitulukamo kwa Kulemba Ukwe Sukulu lya Butumikishi Bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 4 ukufika ku December 18, 1995. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. “Umwana mwaume” uwaloshiwako pali Esaya 66:7 emininako ukufyalwa kwa luko lwa ku mupashi ulwa Bena Kristu basubwa mu 1919, te kufyalwa kwa Bufumu bwa buMesia mu 1914. [12, Ukubelenga kwa Baibolo ukwa mulungu no mulungu; mona w89-CW 9/1 ibu. 18.]
2. Esaya 38:5 ilatwaafwa ukutesekesha ukuti ukupaapaata kwafumaluka kuti kwasesha Yehova ukucite cintu ico ashaciba na kucita. [5, Ukubelenga kwa Baibolo ukwa mulungu no mulungu; mona w95-CW 4/1 ibu. 14.]
3. Umuntu wacepesha pe sonde kuti alenga Kabumba wa kubumbwa konse ukulunguluka nelyo ukusekelela. (Esa. 63:10) [12, Ukubelenga kwa Baibolo ukwa mulungu no mulungu; mona w93-CW 6/15 ibu. 15.]
4. Yeremia 1:5 afwilisha cintu Baibolo ilondolola pa lwa bumi ukuti butendeka pa kwimita. [13, Ukubelenga kwa Baibolo ukwa mulungu no mulungu; mona w89-CW 6/15 ibu. 29.]
5. Esaya 53:5, 12 yasobele ukuti Yesu Kristu aali no kufwa nge lambo lya cilubula ku kufimba pa membu sha bambi. [9, Ukubelenga kwa Baibolo ukwa mulungu no mulungu; mona w92-CW 10/1 ibu. 14.]
6. Esaya 48:17 mu cishinka atweba ukubomfya Icebo ca kwa Lesa mu bumi bwesu pa kuimwena fwe bene ukuti ifishinte fisangwamo mu cine cine filabomba. [8, Ukubelenga kwa Baibolo ukwa mulungu no mulungu; mona w95-CW 3/1 ibu. 12.]
7. Nangu cingati Inte sha kwa Yehova tabaibimba nangu panono mu mapolitiki, tabacilinganya ifyo bambi bacita ukukuma ku kwingila mu tubungwe twa mapolitiki, ukwiminina mu fifulo pa kuti bengasalwa, nelyo ukuvota mu kusala. [5, uw-CW ibu. 165 para. 12]
8. Ababomfi ba busumino aba kwa Lesa aba pa ntanshi ya kwa Kristu tabaishibepo ifili fyonse pa lwa calo cipya ico twasubilamo. [12, Ukubelenga kwa Baibolo ukwa mulungu no mulungu; mona w95-CW 2/15 ibu. 11.]
9. Sailasi abele “uwasubwa” uwa kwa Yehova nangu cingati takwabako ubushininkisho bwa kuti amafuta ya cine cine yalipongolwelwe pali wene. (Esa. 45:1) [7, Ukubelenga kwa Baibolo ukwa mulungu no mulungu; mona w92-CW 11/15 ibu. 30.]
10. Pa kubombela Lesa mu kuba no kuipeelesha kwa bukapepa ukwakumanina, Abena Kristu bakabila ukwishiba ubushiku ne nshita lintu Yehova akaputunkanya imicitile ya pano isonde iya kwa Satana. [10, uw-CW ibu. 176 para. 2]
Asukeni ifipusho fyakonkapo:
11. Ni lilali lintu Umwina Kristu alingile ukulanda kuli dokota wakwe pa lwa kupingulapo kwakwe ukwa kutaluka ku mulopa? [1, uw-CW ibu. 158 para. 9]
12. Ni mu nshila nshi Yesu ashabelelemo ulubali lwa calo? [3, uw-CW ibu. 161 para. 2]
13. Cinshi cintu ukulanda Icebo ca kwa Lesa mu kushipa kushipilibula? [9, uw-CW ibu. 175 para. 13]
14. Nga ca kuti mu cine cine twafukatila imbila nsuma, cishingamo nshi tukwata? [6, uw-CW ibu. 169 para. 2]
15. Pa nko shonse isha pe sonde, ‘luko nshi ulwa bulungami ululinde cishinka’ kuli Lesa, kabili ni bani balelundwa kuli ulu luko? (Esa. 26:2, 15) [1, Ukubelenga kwa Baibolo ukwa mulungu no mulungu; mona w95-CW 1/1 amabu. 10-11.]
16. Ukulingana na Esaya 32:1, 2, mulimo nshi uukalamba uwa baeluda? [3, Ukubelenga kwa Baibolo ukwa mulungu no mulungu; mona w93-CW 4/1 ibu. 30.]
17. Ca kufumamo nshi icamonekesha ico ukusambilisha kwa bulesa kwaletako pa kati ka Nte sha kwa Yehova mu kusaalala kwa calo? (Esa. 54:13) [10, Ukubelenga kwa Baibolo ukwa mulungu no mulungu; mona w94-CW 3/1 ibu. 17.]
18. Ni mu mabuuku nshi ne fipandwa umo Amalandwe yatatu yapayanya ifyebo pa lwa cishibilo cabamo ifingi icishibisha “ukusondwelela kwa micitile ya fintu”? (NW) [11, uw-CW ibu. 178 para. 5]
19. Mulandu nshi mu fyalembwa fya kwa Sankeribu tamwasangilwa apo aaleitakisha pa lwa kucimfya umusumba ukalamba uwa Yudea, Yerusalemu, mu nshila aitakishishemo pa lwa kucimfya kwakwe ukwe cele lya Yudea Lakishi? (Esa. 37:36) [4, Ukubelenga kwa Baibolo ukwa mulungu no mulungu; mona w93-CW 6/1 ibu. 6.]
20. Nani kabili cinshi cacitwe cikope ku “cishukushuku” [Leviatani, NW] pali Esaya 27:1? [2, Ukubelenga kwa Baibolo ukwa mulungu no mulungu; mona w86-CW 8/15 ibu. 31.]
Payanyeni ishiwi nelyo ilongo lya mashiwi yalekabilwa ku kupwishishisha ubulondoloshi bwakonkapo bumo bumo:
21. Lintu Umwina Kristu atekwa mu cipatala, alingile ukwipusha ․․․․․․․ ukuti umulopa wibomfiwa, kabili alingile ․․․․․․․ pa lwa cene umwine kuli dokota uuli no kumutangata. [1, uw-CW ibu. 158 para. 9]
22. Inshila shibili umo tulangishishamo ukuti twalishintilila pali Yehova ni pa kusangwa lyonse ku ․․․․․․․ na pa kwalukila kuli wene lyonse mwi ․․․․․․․. [7, uw-CW amabu. 170-1 amapara. 5-7]
23. Lintu imfumu ya busumino ․․․․․․․ aiswile cipya cipya ifiibi fya ŋanda ya kwa Yehova, alonganike bashimapepo na ․․․․․․․ ku kubapeela amakambisho ya kusangulula itempele no kulishisha ku mulimo wa kwa Yehova. [12, si-CW ibu. 83 para. 27]
24. Imitekele yaloshiwako pa Abena Efese 1:9, 10 yashimpwa pali ․․․․․․․, kabili ukupitila muli wene abantunse balaletwa mu mibele ․․․․․․․ pa ntanshi ya kwa Lesa, bamo mu kuba ne cilolelo ca ku ․․․․․․․, bambi pe ․․․․․․․. [15, uw-CW ibu. 186 para. 6]
25. “Abana ba kwa Lesa” abaloshiwako pa Abena Roma 8:19-21 baba bana baume abasubwa no mupashi abapokelela icilambu cabo ica ku ․․․․․․․, kabili bakasokololwa lintu abantunse pe ․․․․․․․ bashininkisha ukuti balebomba, ukwakana na Kristu mu ․․․․․․․ ino micitile ya fintu. [16, uw-CW ibu. 188 para. 11]
Saleni icasuko calungama mu bulondoloshi bwakonkapo bumo bumo:
26. Abena Kristu ba mu kubangilila balisuulilwe pamo nga abapata umushobo wa buntunse pa mulandu wa kuti (tabalelanda na bashasumina; tabalepepa utulubi; batalwike ku fya kusekesha fya lukaakala kabili ifya bucisenene). [4, uw-CW ibu. 163 para. 7]
27. Mu cilangililo ca kwa Yesu ica pali Mateo 13:36-43, ingano shimininako (abaume ba busumino aba ku kale; ibumba likalamba; Abena Kristu basubwa), ilintu amankumba yemininako (abashasumina bonse; Abena Kristu baitunga; bakalemba na baFarise). [12, uw-CW ibu. 179 para. 7]
28. Pa numa bakateka ba bupolitiki babe nabonaula ukupepa kwa bufi, mu cipyu bakalukila ku kulwisha (imicitile ya fya makwebo; United Nations; abasumbula bumulopwe bwa kwa Yehova). [13, uw-CW ibu. 182 para. 13]
29. Mu 1914 kwaliko abaleshimikila mu kucincila mupepi na (1,100; 5,100; 10,100). [11, Ukubelenga kwa Baibolo ukwa mulungu no mulungu; mona w94-CW 9/1 ibu. 16.]
30. Pa numa ya bunkole bwa ku Babiloni, abashalapo ba busumino aba ciYuda baimike icipailo no kuninika amalambo mu mwaka wa (539; 538; 537) B.C.E. [13, si-CW ibu. 85 para. 3]
Linganyeni amalembo yakonkapo ku bulondoloshi ubutantikwe pe samba:
Lebi 17:11, 12; Esa. 43:10; Yer. 7:31; Yoh. 8:41, 44, 47; Imil. 4:13
31. Ukukanasambilila sana amasomo ya ku calo takulenga umo ukupelebela nga kabilisha wa mbila nsuma uwabulwo mwenso. [8, uw p. 172 para. 8]
32. Ukubomfya kwa mu Malembo kweka fye ukwa mulopa kwebekesha ukushila kwa uko no kukomaila pa kukatama kwe lambo lya kwa Kristu. [2, uw-CW ibu. 159 para. 11]
33. Incitilo sha muntu no mupashi alangisha fisokolola mu kucilapo kulengama uo wishi wa ku mupashi aba ukucila ifisokolola amashiwi yakwe. [14, uw-CW ibu. 186 para. 5]
34. Yehova takwata uwamutangilile; takwaba umulungu uwaikeleko ilyo ashilabako, kabili takwakabe uuli onse umbi uukekalako uukamukonkapo pa mulandu wa kuti wa muyayaya, e Mulopwe Wapulamo. [6, Ukubelenga kwa Baibolo ukwa mulungu no mulungu; mona w92-CW 1/15 ibu. 22.]
35. Abakalamba abengi ilelo te kuti batontonkanye fye na pa lwa kupeela abana babo amalambo ku tulubi, lelo amamilioni yashaifulila aya bana ku mufulo yalonaulwa ukupitila mu kuponya amafumo, kabili amamilioni ya misepela yalipeelwa pa cipailo ca nkondo. [15, Ukubelenga kwa Baibolo ukwa mulungu no mulungu; mona w88-CW 1/15 ibu. 31.]