Bombeniko Umulimo Ushakatale Aubwekeshiwapo
1 Mu nshita shalekanalekana ku kale, calikabilwe ukuti Yehova apingule abalwani bakwe. Nangu ni fyo, pa mulandu wa nkumbu shakwe, alipuswishe aba mitima ya bufumacumi. (Ilu. 103:13) Ukwankulako kwabo e kwalepima icali no kubacitikila.
2 Ica kumwenako, pa ntanshi ya Lyeshi, mu 2370 B.C.E., Noa aali “kabila wa bulungami.” Abaonawilwe bantu basuulile ukusoka kwa bulesa. (2 Pet. 2:5; Heb. 11:7) Ilyo Yerusalemu talaonaulwa mu 70 C.E., Yesu alilandile mu kumfwika icali no kucitwa ku balefwaya ukupusuka ubonaushi bwaleisa pa musumba. Bonse abakeene ubukombe bwakwe ubwa kusoka calibabipile. (Luka 21:20-24) Ukusoka kwa bulesa ukwa musango yo na mapingushi fyalibwekeshiwebwekeshiwepo mu lyashi lyonse ilya kale.
3 Umulimo wa Kusoka uwa Lelo: Ku kale, Yehova abilishe ukuti ubukali bwakwe bukemina icalo cabipa ica lelo no kuti abafuuka beka fye e bakapusunsuka. (Sefa. 2:2, 3; 3:8) Inshita ya kubilisha uku kusoka ilepwa lubilo lubilo! “Ubucushi bukalamba” buleisa, kabili abafuuka balelonganikwa. Mu cine cine, “amabala . . . yabuutila ukuseepa.” E ico, takuli umulimo umbi uuli uwacindamisha no wa mu kampampa ukucila uyu.—Mat. 24:14, 21, 22; Yoh. 4:35.
4 Tufwile ukwananyako ukusoka kwa muno nshiku kuli bambi, “nga bakomfwa napamo nga bakaano kuumfwa.” Uyu mulimo wapeelwa na Lesa, untu tatwingasuula. (Esek. 2:4, 5; 3:17, 18) Ukuubombako mu kukumanina bushininkisho bwa kuti twalitemwa Lesa icine cine, twalitemwa na banensu e lyo cilanga no kuti twalitetekelo Mupusushi wesu, Yesu Kristu.
5 Ino e Nshita ya Kubomba: Pa numa ya mapingushi ya kwa Yehova, lyonse ububifi bwaletendeka cipya cipya pantu Satana ne fibanda fyakwe fyali e po fili. Nomba, iyo nshita cikaba icapusanako. Ukusonga kwa kwa Satana kukafumishiwapo. Ukusoka kwe sonde lyonse pa lwa “bucushi bukalamba” takwakakabilwe na kabili. (Ukus. 7:14; Roma 16:20) Natukwata ishuko lyaibela ilya kubombako umulimo ushakatale aubwekeshiwapo. Nomba e nshita ya kuti tushukile ili shuko no kubombesha uyu mulimo.
6 Umutumwa Paulo mu kushininwa pa lwa mulimo wakwe uwa kushimikila atile: “Ndi wa kaele ku mulopa wa mwe bonse.” (Imil. 20:26) Taleyumfwa uwa mulandu wa mulopa kwati alifililwe ukubilisha ukusoka. Mulandu nshi? Pantu alandile pa lwa butumikishi bwakwe ukuti: “Kabili e co na co ndecucutikila, ukupilikita.” (Kol. 1:29) Natuipakishe ukwikushiwa kumo kwine mu kufikapo ukwa kubomba umulimo ushakatale aubwekeshiwapo!—2 Tim. 2:15.