Ukubilisha
◼ Ulupapulo lwa kutambika mu March: Icaba Inkaama ku Nsansa sha Lupwa. April na May: Kampeni wa kulembesha Ulupungu lwa kwa Kalinda. June: Ukwishiba Uko Kutungulula ku Mweo wa Muyayaya. Tontomesheni pa kutendeka amasambililo ya Baibolo aya mu ŋanda.
◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa March 1 nelyo mu kwangufyanya pa numa. Bilisheni ku cilonganino lintu ici cacitwa.
◼ Ilyashi lya pa cintubwingi ilyaibela mu ciputulwa ca nshita ica Cibukisho uno mwaka likapeelwa mu filonganino ifingi pa Mulungu, April 6. Ili lyashi lili no mutwe uuleti “Isangululeni ku fya Kukowesha fya Pano Isonde.” Ifwe bonse tulingile ukusangwako, kabili tulingile ukwafwilisha abalesekelela abaishile ku Cibukisho ukusangwa kuli ili lyashi. Cintu tukomfwa mu kushininkisha cikaba ca kulenga ukubuukulula umupampamina wa kutemuna Lesa.
◼ Pa kuti mwinganonkelamo apakalamba mu masambililo ya cilonganino mu citabo ca Umuntu Wakulisha, twapaapaata belengeni ifya kutungulula fyawamisha ifyaba mu Ubutumikishi Bwesu Ubwa Bufumu ubwa September 1992. Icipande cilondolola ifya kupekanya isambililo limo limo na fintu Isambililo lya Citabo pa Cilonganino lifwile ukutungululwa. Bakatungulula ba masambililo na bonse abasangwako bakanonkelamo pa kupituluka muli ifi fyebo.
◼ Mu bwikashi bonse, pa nshita shalekanalekana mu mwaka, kulabako amaholide ya ku calo ayo yalubula abana ku sukulu no kupeela inshita ya kutuusha ku babomba incito ya ku calo. Ishi shiba ni nshita shawamisha ku cilonganino ukwingilishako ukubombako ubutumikishi bwa mwi bala. Baeluda balingile ukwishiba lintu ishi nshita shikabako no kwebela libela icilonganino pa lwa mitantikile ilebombelwapo iya bunte bwe bumba mu nshita sha maholide.
◼ Bamagazini/ifitabo ifya babulwa fyalilembwa pe lebulo lya keyala ne fishibilo fya NE, ku ca kumwenako 20CW 2CWNE. Ici cilepilibula ukuti 2CWNE e bamagazini baordwa aba bamunyina babulwa, 20CW yaba maorda ya bakasabankanya. Icishibilo cimo cine ica NE e cibomfiwa na ku fitabo.
◼ Impapulo Shilipo:
Ukwishiba Uko Kutungulula ku Mweo wa Muyayaya—Icichewa, IciLozi
1997 Yearbook of Jehovah’s Witnesses—IciNgeleshi