Ukubilisha

◼ Ulupapulo lwa kutambika mu April na May: Kampeni wa kulembesha Ulupungu lwa kwa Kalinda. June: Ukwishiba Uko Kutungulula ku Mweo wa Muyayaya. Tontomesheni pa kutendeka amasambililo ya Baibolo. July na August: Amabroshuwa ayali yonse aya mabula 32 ayakonkapo: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Ilyo Untu Watemwa Afwa, Ipakishe Ubumi pe Sonde kuli Pe na Pe!, na Kamfulumende Iikaleta Paradise. Mu kulundapo, kuti twatambika ifitabo fya mabula 192 ifyakonkapo: Abaikatana mu Kupepa Lesa Umo Eka Uwa Cine, Baibolo—Cebo ca kwa Lesa Nelyo ca Muntu, Insansa—Ifya Kushisanga, “Ubufumu Bwenu Bwise,” Ukupusunsuka Ukwingila mwi Sonde Lipya, Ukukutika kuli Kasambilisha Mukalamba, Umutelelwe wa mu Kusalala kwa Calo pe Samba lya kwa “Cilolo wa Mutende.” Ifi fitabo fili pa mutengo waibela, K400.00 kuli bakasabankanya ne cintubwingi na K300.00 kuli bapainiya.

◼ Kuli bakangalila ba kutangilila: Tulemulomba ukutuma ku Sosaite ifya kukumanya ifili fyonse ifyo icilonganino cenu cakwata mu mwaka, ukusanshako ne fya kukumanya pa lwa mulimo wa bupainiya bwa kwafwilisha. Twapaapaata tumeni ifi fya kukumanya ukukanacila umweshi ukonkelepo uwa May 1997. Twapaapaata ibukisheni ukutupayanishisha ifyebo filelanda pa lwa muntu aletuma ifya kukumanya nampo nga ni kasabankanya wa lyonse kabili uwa mibele isuma mu cilonganino, ishina lyakwe ne shina lya cilonganino alebishanya na co. Inshiku ica kukumanya cacitike, amashina ya fifulo na ya bantu balumbulwa mu ca kukumanya, capamo ne shina lya kwa kangalila wa kutangilila na fyo fine filingile ukulembwa mu kukumanina.

◼ Kangalila wa kutangilila alingile ukubebetela capamo na kalemba pa lwa fyakonkapo: Bushe kuliko bakasabankanya abali bonse abakuuka ukufuma mu cilonganino nomba line? Bushe kalata alitumwa kuli baeluda ba mu cilonganino cipya pa kuti aba bakasabankanya bengasengelwa no kwafwiwa na bamunyina kulya? Bushe kuliko bakasabankanya abali bonse abakuukila mu cilonganino cenu nomba line? Bushe kalemba alilembeshenye na kalemba wa cilonganino cintu bafumineko? Bushe ifyalembwa fya bukasabankanya fyalitumwa?

◼ Kingdom Hall Desk ili iya buseko ukweba ifilonganino fyonse ukuti Amayanda ya Bufumu ayapya yabili ku Chelstone na ku Chipata Overspill mu Lusaka na imo mu Kabwe yalipwishishiwe nomba line no kupeelwa. Aya Mayanda ya Bufumu ayapya yalekuulwa mu nshiku 6 ukufika kuli 7. Tulepokelela amakalata ayengi ukufuma mu filonganino ifingi muno Zambia aya kwipusha ukwafwilisha pa kupoka loni wa kukuula Amayanda ya Bufumu. Pa kuti Sosaite ingapayanya loni, icifulo ca kukuulapo cimo cimo cifwile ukukwata title deed (insambu sha bwine) mwi shina lya ba ‘Registered Trustee’ ba mu cifulo cenu nelyo, “Zambia Association of Jehovah’s Witnesses Registered Trustees.” Tulekoselesha ifilonganino fyonse ukubombela pa filefwaikwa pa kukwata ama title deed. Nga ca kuti mulekabila ukwafwilisha twapaapaata lanshanyeni na Kingdom Hall Desk ku Sosaite.

◼ Ifilonganino fimo lyonse filatuma imisangulo ya ‘Bamunyina Babulisha’ kabili filetashiwa. Nangu ni fyo, iyi misangulo iya bamagazini bonse babili ne fitabo ifika kuli K165,000 cila mweshi. Sosaite ituma bamagazini ba Ulupungu lwa kwa Kalinda 12,510 cila mweshi ku kwaafwa isho ndupwa abashingakumanisha ukuishitila. Umutengo wa cila mweshi uwa bamagazini ni K2,502,000 kabili amamilioni ya ma Kwacha ayengi yalapooswa pa kutuma icitabo ca pe sambililo lya citabo kuli ishi ndupwa shonse. Calesubilwa ukuti iyi mitengo kuti yaingila mu misangulo yesu fwe bengakumanisha ukusangwilako. (2 Kor. 8:14) Ifilonganino fimo tafyakwata akabokoshi ka iyi misangulo ukufika na ino nshita. Yesu aikatilwe abapiina inkumbu kabili kuti twamupashanya pa kwafwilisha iyi mitantikile ya cikuuku. Abo abapokelela ishi mpapulo kuti balangilila ukuti balatasha pa kusangwilako lyonse ilyo bakwatako kamo.—Luka 21:1-4.

◼ Impapulo Shipya Ishilipo:

Watch Tower Publications Index 1986-1995 (K8,250.00 kuli bakasabankanya na K6,000.00 kuli bapainiya)—iciNgeleshi