Ukubilisha
◼ Ifya kutambika mu September: Icaba Inkaama ku Nsansa sha Lupwa. October: Ukulembesha kwa Ulupungu lwa kwa Kalinda nelyo Loleni! nelyo bamagazini bonse babili. Ukulola ku kupwa kwa mweshi, Imbila ya Bufumu Na. 35 ili no kwananishiwa. November: Tukatwalilila ukwananya Imbila ya Bufumu Na. 35. Ifilonganino ifikapwisha ukutwalila abene mayanda Imbila ya Bufumu mu ng’anda imo imo kuti batambika icitabo ca Ukwishiba. December: New World Translation ne citabo Baibolo—Cebo ca kwa Lesa Nelyo ca Muntu?
◼ Kangalila wa kutangilila nelyo untu asonta afwile ukupenduluka mu maakaunti ya cilonganino pa September 1 nelyo mu kwangufyanya pa numa. Nga mwapwisha bilisheni ku cilonganino.
◼ Nga ca kuti pali sitatimenti wenu wa pa mweshi ukufuma ku Sosaite pali icishibilo ca kufumyako (-), nampo nga ni pali magazini nelyo ifitabo, tacilepilibule fyo muli ne nkongole ku Sosaite, lelo ninshi ni Sosaite ili ne nkongole kuli imwe. Bamo balipusha pa lwa balansi wabo pantu tabaishiba ici.
◼ Baeluda balecinkulwako ukukonkamo mu makambisho yapeelwa mu Ulupungu lwa kwa Kalinda ulwa April 15, 1991, amabula 21-3 pa lwa bali bonse abatamfiwa nelyo ukuifumya abalemenene ku kubweshiwa.
◼ Amakomiti ya Mulimo aya filonganino yalingile ukutuma amaformu ya Ukwipusha Ukukabila Kwaibela Ukwa Miputule aya Mabungano ya pa Kati ka Nko ku ofesi ilyo cikalafika September 1.
◼ Calikatama ukuti abaleisa mu mabumba na basi ku kutandala ku ofesi lya Sosaite ku Makeni batume kalata nelyo foni ku Bethel Office. Ukutandala kutantikwa ukufuma pali Cimo ukufika pali Cisano pa kati ka 8:00 hrs na 15:00 hrs epela. Takuba ukutandasha pa numa ya 15:00 hrs nelyo pa mpela sha milungu. Ilyo tuletandalila pa ofesi nelyo ku kumona fye icibusa lyonse tufwile ukufwala bwino. Imifwalile ya pa kukookoloka, amatoloshi ya jeans na mashikipa, nelyo amatoloshi ayepi ne ndyato tafyasuminishiwa. Imifwalile yesu ifwile ukuba iyalinga kabili iyayana ku kutandalila Bethel (ing’anda ya kwa Lesa).
◼ Ababishanya ne cilonganino balingile ukutuma ukulembesha kupya no kulembesha cipya cipya ukwa Ulupungu lwa kwa Kalinda na Loleni!, ukusanshako no kulembesha kwa pa lwabo, ukupitila mu cilonganino.
◼ Sosaite taituma amaorda ya fitabo aya muntu umo umo. Kangalila wa kutangilila alingile ukutantika ukuti balebilisha cila mweshi ilyo icilonganino tacilatuma orda wa fitabo ku Sosaite pa kuti abalefwaya ifya pa lwabo bengalembesha kuli munyina abombela ku fitabo. Twapaapaata muleibukisha ifitabo ifyaba pa kuorda kwaibela.
◼ Lintu muletuma orda wa fitabo, ifilonganino filingile ukwibukisha ukuti CD-ROM wa Sosaite (uwa muli kompyuta) abelako maka maka bakasabankanya.
◼ “Umukululo wa Fipusho” uwa mu Ubutumikishi Bwesu Ubwa Bufumu ubwa May 1997 watile cisuma ukusakamana pa lwa kubomba mu butumikishi na munyina nelyo nkashi uushili lupwa lwesu. Cisuma ukuti bonse tulepingula bwino muli uyu mulandu. Ici tacilepilibule fyo bakangalila benda nelyo fye bamunyina te kuti babombe na bankashi mu butumikishi bwa mwi bala. Lelo, casoselwe fyo tacawama ukuti munyina alepoosa inshita lyonse eka na nkashi umo wine uushili lupwa lwakwe.
◼ Impapulo Shilipo:
Bushe Ici Calo Cikapusunsuka (Trakiti Na. 19)—Icichewa
Cinshi Cintu Inte sha kwa Yehova Basumina? (Trakiti Na. 14)—IciNgeleshi
Lisubilo Nshi ilya Batemwikwa Besu Abafwa? (Trakiti Na. 16)—Icichewa, IciNgeleshi
Umulandu Wingacetekela Baibolo (Trakiti Na. 13)—Icichewa, IciTonga
◼ Amakaseti Yalipo:
Cinshi Cintu Lesa Afwaya Kuli Ifwe?—IciNgeleshi
◼ Impapulo mu filembo fya mpofu:
Cinshi Cintu Lesa Afwaya Kuli Ifwe?—IciNgeleshi
Ukwishiba Uko Kutungulula ku Mweo wa Muyayaya—IciNgeleshi