Ukubilisha
◼ Impapulo sha kutambika mu January: Ifitabo fya mabula 192 ifili fyonse ifyasabankanishiwe pa ntanshi ya 1985 ifyo icilonganino cikwete. Ifilonganino ifishikweteko ifyo fitabo kuti fyatambika cimo pali ifi fyakonkapo pa mutengo wa K400.00: Insansa—Ifya Kushisanga, Ubufumu Bwenu Bwise, Ukukutika kuli Kasambilisha Mukalamba nelyo Abaikatana mu Kupepa Lesa Umo Eka Uwa Cine. Nga tamukwete fyonse ifi, twapaapaata bomfyeni icitabo ca Umuntu Wakulisha nelyo Ukusapika Lesa Ukwa Mutundu wa Muntu. February: Ukusokolola—Akalume ka Kuko Kakalamba Nakapalama! March: Ukwishiba Uko Kutungulula ku Mweo wa Muyayaya. Angweni sana pa kutendeka amasambililo ya Baibolo. April: Kampeni wa kulembesha Ulupungu lwa kwa Kalinda.
◼ Bakasabankanya babatishiwa bonse abakasangwa pa Ukulongana kwa Mulimo mu mulungu wa January 5 bakapeelwa kardi wa Advance Medical Directive/Release na Identity Card wa bana babo.
◼ Ukutampa mu February, kabili te kucila pa March 1, ilyashi lya cintubwingi ilipya ilya bakangalila ba miputule likaba “Bushe Mumona Ubumi Fintu Lesa Abumona?”
◼ Ifilonganino filingile ukutantika bwino bwino ukusefya Icibukisho uno mwaka pa cibelushi, April 11, pa numa ya kuwa kwa kasuba. Nangu cingati ilyashi nalimo kuti lyatendeka mu kubangilila, ukupishamo ifimpashanya fya Cibukisho takulingile ukutendeka ukufikila akasuba kawa. Ipusheni abalashi uko mwaba ku kwishiba inshita akasuba kawilapo mu ncende yenu. Nangu cingati cilafwaikwa ku cilonganino cimo na cimo ukuikwatila Icibukisho abene, napamo ici te lyonse cingacitika. Uko ifilonganino fyafulilako fibomfya Ing’anda ya Bufumu imo ine, napamo icilonganino cimo nelyo ifyafulilako kuti fyaashima icikuulwa cimbi ica kubomfya ico cungulo bushiku. Icibukisho tacilingile ukutendeka ubushiku sana ica kuti abapya abalefwaisha ukwishiba icine cabafya ukusangwako. Kabili imitantikile tailingile ukuba iyatitikana nga nshi ica kuti takuliko ne nshita ya kuposha abatandashi ilyo Icibukisho tacilatendeka nelyo pa numa, nelyo iya kupekanya ukuti abalefwaisha ukwishiba icine batwalilile ukwaafwiwa lwa ku mupashi, nelyo iya kuipakisha ukukoseleshanya. Pa numa ya kulanguluka bwino imbali shonse, baeluda balingile ukupingulapo imitantikile ikaafwa bwino abakasangwako ku Cibukisho ukunonkelamo sana kuli ici ca kucitika.
◼ Kangalila wa kutangilila afwile ukubebeta ifyakonkapo kuli kalemba: Bushe bakasabankanya abali bonse balifumamo mu cilonganino nomba line? Bushe ifyebo fyalitumwa kuli baeluda aba cilonganino cipya pa kuti aba bakasabankanya bengapokelelwa no kwafwiwa na bamunyina ba kulya? Bushe kwalisako bakasabankanya abapya mu cilonganino cenu nomba line? Bushe kalemba alilanshanya na kalemba wa ku filonganino bafuma? Bushe amakardi ya bakasabankanya yalitumwa?
◼ Ifilonganino ifyasanga ifyo te kuti fishite waini wa pa cibukisho fifwile ukulemba orda ku Sosaiti. Indalama sha waini shikaputulwa ukufuma kuli akaunti wenu uwa fitabo.
◼ Ukutampa umulungu wa May 4, 1998, no kutwalilila ukupulinkana mu mulungu wa September 14, 1998, icitabo tukalasambilila pe Sambililo lya Citabo pa Cilonganino cikaba ni Insansa—Ifya Kushisanga.
◼ Impapulo Ishilipo:
Ukusokolola—Akalume ka Kuko Kakalamba Nakapalama!—Icibemba, IciNgeleshi, IciFrench, IciSwahili
Icaba Inkaama ku Nsansa sha Lupwa—IciTonga, Ichichewa, Icibemba, IciNgeleshi, IciLubale, IciLozi
Watchtower Publications Index 1996—IciNgeleshi
◼ Amakaseti Ayalipo (mu ciNgeleshi fye):
Kingdom Melodies (alubamu wa makaseti 8)
Knowledge That Leads to Everlasting Life (alubamu wa makaseti yasano)
Listening to the Great Teacher (alubamu wa makaseti yane ne citabo)
My Book of Bible Stories (alubamu wa makaseti yasano)
Sing Praises to Jehovah (alubamu wa makaseti 8)
The Greatest Man Who Ever Lived (alubamu wa makaseti 8)
The Secret of Family Happiness (alubamu wa makaseti yasano)