Ukubilisha

◼ Ulupapulo lwa kutambika mu October: Ukulembesha Ulupungu lwa kwa Kalinda nelyo Loleni! nangu bamagazini bonse. November: Ukwishiba Uko Kutungulula ku Mweo wa Muyayaya. December: Umuntu Wakulisha Uwabalile Abako Uwa Mweo na New World Translation. January: Ifitabo ifili fyonse ifya mabula 192 ifyasabankanishiwe pa ntanshi ya 1985 ifilipo pa cilonganino. Bamunyina bashakwata ifitabo fya musango yo pa cilonganino, kuti batambika Ukwishiba Uko Kutungulula ku Mweo wa Muyayaya.

◼ “Ukutantika Isukulu lya Butumikishi bwa Teokrasi Ukwa 1999” e ca mu kati cili muli buno Ubutumikishi Bwesu Ubwa Bufumu. Mufwile ukukusunga bwino pantu mukakubomfya mu mwaka onse uwa 1999.

◼ Kangalila wa kutangilila afwile ukubebeta capamo na kalemba ifyakonkapo: Bushe kuliko bakasabankanya abakuuka ukufuma mu cilonganino nomba line? Bushe kalata alitumwa kuli baeluda ba ku cilonganino ukwaya bakasabankanya pa kuti bengasengelwa no kwafwiwa na bamunyina kulya? Bushe kuliko bakasabankanya abali bonse abakuukila mu cilonganino cenu nomba line? Bushe kalemba alilembeshanya na kalemba wa cilonganino ico bafumineko? Bushe ifyalembwa fya bukasabankanya fyalitumwa?

◼ Nga kukaba ukwaluka kwa nshita sha kulongana pa January 1, limbi kuti cakabilwa ukubilisha ku cilonganino.

◼ Ifilonganino fifwile ukutendeka ukutuma amaorda yabo aya Ukubebeta Amalembo Cila Bushiku—1999 lintu bakalatuma orda wabo uwa fitabo uwa October. Ututabo tukabako mu Cibemba, IciLozi, IciLubale ne IciNgeleshi. Pe pepala lya kulongelapo ifitabo ilya cilonganino cenu, bakalalembapo ukuti “Pa numa,” ukufikila fikese kuno ofesi e lyo bakamutumina. Ukubebeta Amalembo Cila Bushiku fipe fya kuorda kwaibela.