Bonse Bafwile ‘Ukupokelela Icebo’!
1 Abantu abengi balasambilila Baibolo ne Nte sha kwa Yehova. Pa kukwata umweo wa muyayaya, bafwile ‘ukupokelela icebo,’ nga fintu abantu 3,000 abalapile no kubatishiwa pa bushiku bwa Pentekoste 33 C.E. bacitile. (Imil. 2:41) Mulimo nshi ici cituletela ilelo?
2 Tulekabila ukwafwa abasambi besu aba Baibolo ukulundulula bukapepa kuli Yehova. (1 Tim. 4:7-10) Pali uyu mulandu, ica mu kati ica Ubutumikishi Bwesu Ubwa Bufumu ubwa June 1996, mu paragrafu 20, citubululo kuti: “Ukupulinkana isambililo lyonse, fwayenimo amashuko ya kulundulwilamo ukutesekesha imibele ya kwa Yehova. Lumbululeni ifyo mwe bene muyumfwa pa lwa kwa Lesa. Afweni umusambi ukutontonkanya mu nshila ya kulundulula ukwampana kwa cikabilila, ukwa pa lwakwe na Yehova.”
3 Umulimo Tukwete: Abantu abengi abaobelwa no kupepa kwa bufi, balekushiwa ne mipepele ya kucibondola, iishibapinda ukuti baalule imibele yabo. (2 Tim. 3:5) Umulimo tukwete wa kwafwilisha abasambi besu aba Baibolo pa kuti beshibe ukuti ukupepa kwa cine kubimbamo ifingi ukucila fye pa kuba bakomfwa ba cebo ca kwa Lesa. Bafwile ukubomfya ifyo basambilila mu bumi bwabo. (Yako. 1:22-25) Nga ca kuti imyendele yabo tayasuminishiwa na Lesa, bakabila ukumona ukuti bafwile ‘ukupilibuka’ no kucita icalungama ku kutemuna Lesa. (Imilimo 3:19) Pa kunonka umweo wa muyayaya, bafwile ‘ukupilikita’ no kuba abakosa mu cine.—Luka 13:24, 25.
4 Lintu mulelanshanya no musambi wenu pa lwa myendele, mwipusheni ifyo aimona ne fyo engacita nga amono kuti alekabila ukwalula imyendele yakwe. Lengeni eshibe ukuteyanya ukulemusambilisha icine, kabili mukoselesheni ukuti alesangwa ku kulongana lyonse.—Heb. 10:25.
5 Shi natukwate ubuyo bwa kufika pa mitima ya basambi besu lintu tulebasambilisha. Tukasekelela ilintu tulekoselesha abapya ukupokelela icebo ca kwa Lesa no kubatishiwa!—1 Tes. 2:13.