Ukubilisha

◼ Ulupapulo lwa kutambika mu November: Ukwishiba Uko Kutungulula ku Mweo wa Muyayaya. December: Umuntu Wakulisha Uwabalile Abako Uwa Mweo. January: Ifitabo ifili fyonse ifya mabula 192 ifyasabankanishiwe pa ntanshi ya 1985 ifilipo pa cilonganino. Ifilonganino ifishikwete ifi fitabo kuti fyaorda ifyakonkapo ku Sosaite: Umutelelwe wa mu Kusalala kwa Calo pe Samba lya kwa “Cilolo wa Mutende” mu ciNgeleshi. Ifi fitabo fili pa mutengo waibela uwa K400.00 kuli bapainiya na K500.00 kuli bakasabankanya ne cintubwingi. Twapaapaata ifitabo Ukwishiba Uko Kutungulula ku Mweo wa Muyayaya, Icaba Inkaama ku Nsansa sha Lupwa, ne citabo cipya ica Is There a Creator Who Cares About Us? tafisanshiwemo. February: Icaba Inkaama ku Nsansa sha Lupwa.

◼ Ifilonganino filingile ukutendeka ukutuma orda wa 1999 Yearbook of Jehovah’s Witnesses pamo na orda uwa fitabo uwa November. Yearbook akabako mu ciNgeleshi. Ukufikila lintu Yearbook akabako no kutumwa, pali invoisi wa cilonganino akalamoneka nga “Pa Numa.” Ama Yearbook yaba fipe fya kuorda mu kuibela kabili orda alingile ukutumwa pamo ne ndalama. Ifilingile ukutumwa pamo ni S-14 na S-20, ukulembwapo ubushiku bumo bwine no kulembapo “C.W.O.” Nga ca kuti orda tatuminwe pamo ne ndalama, lyene orda akafuutwa. Ici cilekuma na maorda ya Kalenda na Ukubebeta Amalembo cila Bushiku.

◼ Mu myaka ya nomba line nacanguka ukuya ku nse ya calo. Na muli fyo, bamunyinefwe abengi balapekanya ukutandalila ifyalo fimbi. Libili libili, balepusha amaofeshi ya Sosaite pa fya kutandala. Amaofeshi ya Sosaite yalapayanya akeyala ka Mayanda ya Bufumu ne nshita ya kulongana ku kwafwilisha abatandashi ukusanga ifilonganino. Na kabili, kuti yabalangilila ifyo bengatandalila iofeshi lya Sosaite. Nangu cibe fyo, amalipoti yalangilila ukuti bamunyina balepusha na pa lwa kutantika imyendele, imiputule ya kulaalamo, ififulo fisuma ifya kutamba, ne milandu yapalako. Sosaite taipayanye fyebo pa lwa myendele, kabili tayakwata inshita. Abatandashi balekoseleshiwa ukulanda no twampani ututantika imyendele ya batandashi, nelyo amaofeshi ya batandashi ayapayanya ifyebo ku batandashi.

◼ Impapulo Ishilipo:

Elementary Bible Teachings—iciTumbuka