Ukubilisha

◼ Ulupapulo lwa kutambika mu December: Umuntu Wakulisha Uwabalile Abako Uwa Mweo. January: Ifitabo ifili fyonse ifya mabula 192 ifyasabankanishiwe pa ntanshi ya 1985 ifilipo pa cilonganino. Ifilonganino ifishikwete ifi fitabo kuti fyaorda ifyakonkapo ku Sosaite: Umutelelwe wa mu Kusalala kwa Calo pe Samba lya kwa “Cilolo wa Mutende” mu ciNgeleshi. Ifi fitabo fili pa mutengo waibela uwa K400.00 kuli bapainiya na K500.00 kuli bakasabankanya ne cintubwingi. Twapaapaata ifitabo Ukwishiba Uko Kutungulula ku Mweo wa Muyayaya, Icaba Inkaama ku Nsansa sha Lupwa, ne citabo cipya ica Is There a Creator Who Cares About Us? tafisanshiwemo. February: Icaba Inkaama ku Nsansa sha Lupwa. March: Ukwishiba Uko Kutungulula ku Mweo wa Muyayaya. Tufwile ukubombesha sana ukutampa amasambililo ya Baibolo aya pa ng’anda.

◼ Amaorda ya magazini yalundwako ya kubomfya mu March na May yalingile ukutumwa nomba line ku Sosaite. Bilisheni ku cilonganino no kweba bonse abalepekanya ukubomba bupainiya ukupenda magazini yalundwako balefwaya ukushalika pa mweshi umo nelyo iyafulilako. Lintu mwapenda magazini yonse intu balefwaya, kuti mwaishiba intu mwingaorda. Twapaapaata bomfyeni formu wa M-202 no kulangilila bwino bwino ubwingi bwa magazini yalundwapo mulefwaya iya lwafuma lumo lumo. Langilileni ukuti uku kwipusha kwaibela. Mwilabo kuti iyi ni magazini yalundwako fye kabili icilonganino cenu cakulapokelela magazini ilya ine cipokelela lyonse.

◼ Ifilonganino filingile ukutendeka ukwipusha amabaundi volyumu ya Watchtower na Awake! aya mu 1998 lintu fikalatuma orda wa fitabo mu December. Amabaundi volyumu yakaba mu ciNgeleshi. Kano fye nga amabaundi volyumu yakabeko no kutumwa, pe pepela lya fitabo fya kutuma ku cilonganino bakalalembapo ukuti “Pa numa.” Amabaundi volyumu fipe ifiordwa mu kuibela kabili amaorda yafwile ukutumwa pamo ne ndalama no kulemba pali S-14 na S-20 C.W.O.

◼ Kangalila wa kutangilila nelyo umbi uwasontwa kuli wene afwile ukupituluka mu ndalama sha cilonganino pa December 1 nelyo bwangu bwangu pa numa ya ubo bushiku. Lintu kwapwa, bilisheni ku cilonganino pa numa lipoti ya ndalama ikakonkapo yabelengwa.

◼ Icibukisho mu 2000 cikabako pali Citatu, pa April 19, ilyo akasuba kawa. Uku kwishibisha kuliko mu kubangilila pa kuti bamunyina bakafwaye ifikuulwa fya kulonganinamo nga ca kuti ifilonganino fyafulilako fibomfya Ing’anda ya Bufumu imo kabili kuti ifikuulwa fimbi fyakabilwa. Baeluda kuti bapangana na bene ba fikuulwa ku kushininkisho kuti takuli ifya kupumfyanya fimbi ifikabako mu cikuulwa pa kuti Icibukisho cikabeko mu mutende na mu muyano. Apantu Icibukisho calicindama, ilintu ibumba lya baeluda lilesala kalanda we lyashi lya pa Cibukisho, lilingile ukusala eluda uwafikapo ukucila ukulabomfya baeluda abali bonse cila Cibukisho nelyo ukulabomfya umo wine. Nacipusanako nga ca kuti pali eluda uwafikapo uwasubwa uwingalanda ilyashi.

◼ Apo umweshi wa January wakwata impela sha mulungu shisano ni nshita isuma iya kuti abengi bakabombako bupainiya bwa kwafwilisha.

◼ Impapulo Ishilipo:

Sing Praises to Jehovah (Icinono ne cikulu)—IciNgeleshi

Cinshi Cintu Lesa Afwaya Kuli Ifwe?—Luchazi

1997 Watchtower Publications Index—IciNgeleshi