Koselesheni Abantu Ukukonka Umuntu Wakulisha
1 Nga fintu calembwa pali Mateo 5:14, Yesu aebele abasambi bakwe ati: “Imwe muli lubuuto lwa pano isonde.” Abakonshi ba kwa Yesu bali no kweba bantu bonse pa lwa Bufumu bwa kwa Yehova ne pusukilo lyabamo ukutemwa Apayanya ukupitila muli Yesu. Pa kuba no yo mulimo mu muntontonkanya, tulefwaisha ukushalika icitabo ca Umuntu Wakulisha Uwabalile Abako Uwa mweo mu mweshi wa December. Nga tamukwete ici citabo mu lulimi mulanda, kuti mwashalika icitabo ca Ukwishiba Uko Kutungulula ku Mweo wa Muyayaya na broshuwa wa Cinshi Cintu Lesa Afwaya Kuli Ifwe? Iikonkelepo mitubululo nalimo mwingatemwa ukubomfya.
2 Nga ca kuti mwamone fyo kuti cawama ukushalika ku muntu icitabo ca “Umuntu Wakulisha,” kuti mwamwipusha ukuti:
■ “Abengi balasunguka pa lwa fintu Yesu ali lintu ali pano isonde ngo muntunse. Ni mu nshila nshi mulemono kuti tali nga bantu bambi? [Loleleni asuke.] Ici citabo icisuma nga nshi, ica Umuntu Wakulisha Uwabalile Abako Uwa mweo cilondolola ubumi no butumikishi bwakwe, kabili cilondolola fintu ali icine cine. Lintu bacibelenga, bamo bamona kwati balibishanyapo nankwe, no kuculila pamo nankwe, no kuimwena ubutumikishi bwakwe.” Mulangeni icikope ca kubalilapo, icilangilila umutwe wa citabo. E lyo nomba isuleni pa mashiwi ya kubangilila, kabili belengeni paragrafu iili pa ka mutwe “Mwenamo pa Kusambilila pa lwa Wene.” Nga ca kuti ayankulako bwino, mutambikeni icitabo.
3 Nalimo kuti mwalanda ifyapala ifi:
■ “Finshi mwingalandapo ilyo mwatontonkanya pali Yesu Kristu? [Loleleni asuke.] Abengi abasambilile fya kale balisumina ukuti Yesu ali e muntu wakulisha uwabalile abako uwa mweo. [Belengeni ica kumwenako mu mashiwi ya ntanshi mu citabo ca Umuntu Wakulisha.] Baibolo ilangilila ukuti Yesu ali e ca kumwenako tufwile ukupashanya.” Belengeni 1 Petro 2:21 na paragrafu wa kubalilapo pe bula lya kulekeleshako ilya mashiwi ya ntanshi mu citabo ca Umuntu Wakulisha. Nga ca kuti mwine ng’anda kuti atemwa ukusambilila pali Yesu, mutambikeni icitabo. Ilyo mushilafumapo, belengeni Yohane 17:3 no kumwipusha ati: “Ni shani fintu twinganonka uku kwishiba ukutungulula ku mweo wa muyayaya?” Tantikeni ubushiku mukesaasuka icipusho.
4 Lintu mwatandala na kabili mu kwasuka fintu twinganonka ukwishiba kupa umweo, kuti mwatila:
■ “Namulaile ukuti nkesa ku kumulanga fintu twinganonka ukwishiba uko kutungulula ku mweo wa muyayaya.” Tambikeni icitabo ca Ukwishiba, kabili ukubomfya icipandwa ca kubalilapo, langilileni ifya kusambilila.
5 Nga ca kuti mulefwaya ukushalika broshuwa wa “Cintu Lesa Afwaya,” kuti mwatila:
■ “Lintu umuntu alanda pali Yesu Kristu, abengi batontonkanya pa lwa wene nga kanya nelyo ngo muntu alecula uuli mupepi no kufwa. Cintu batontonkanyapo fye kufyalwa kwa kwa Yesu ne mfwa yakwe. Tabatontonkanya na pa fintu ifya kusungusha ifingi ifyo alandile no kucita. Fintu acitile filambukila abantu bonse abatala abekala pe sonde. E mulandu wine cacindamina ukusambilila pantu twingapesha pa lwa fintu ifisuma atucitile.” Isuleni pe bula 7 muli broshuwa, no kubelenga paragrafu 5. Lanshanyeni paragrafu 6 no kulondolola Ilumbo 37:9-11. Londololeni fintu broshuwa engabomfiwa ilyo umo alebelenga pa lwakwe.
6 Shininkisheni ukuti mwalemba abalesekelela no lupapulo mwashalika pa kuti mu kabatandalile na kabili. Ilintu kucili inshita, shi mu kupimpa natufwaye abantu abafumacumi no kubaafwa ukuba abakonshi ba Mupusushi wesu, Yesu Kristu.—Mat. 16:24.