Ukubilisha

◼ Ulupapulo lwa kutambika mu February: Icaba Inkaama ku Nsansa sha Lupwa. March: Ukwishiba Uko Kutungulula ku Mweo wa Muyayaya. Esheni ukutendeka amasambililo ya Baibolo aya mu ng’anda. April na May: Kampeni wa kulembesha Ulupungu lwa kwa Kalinda. Kwateni broshuwa wa Cintu Lesa Afwaya iya balesekelela, no kwesha ukutendeka amasambililo ya Baibolo aya mu ng’anda.

◼ Ukutampa umulungu wa March 22, 1999, icitabo tukalasambilila pe Sambililo lya Citabo pa Cilonganino cikaba Umuntu Wakulisha Uwabalile Abako Uwa Mweo. Muli ubu Ubutumikishi Bwesu Ubwa Bufumu muli ukutantika konse ukwe sambililo. Kuti mwapanga kope no kuibika mu citabo cenu pa kuti muleloshako. Ifya kucita pa kutungulula intendekelo ya citabo fyalilondololwa mu Ubutumikishi Bwesu Ubwa Bufumu ubwa September, 1992 pe bula 1, pa mutwe wa kuti “Ukusambilila Umuntu Wakulisha Uwabalile Abako Uwa Mweo,” mu paragrafu 5.

◼ Kalemba na kangalila wa mulimo balingile ukupituluka mu mibombele ya bapainiya ba nshita yonse. Nga kuli abalesanga ubwafya mu kukumanisha amaawala, baeluda balingile ukutantika ukwafwa. Ku mitubululo, pitulukeni muli kalata ya Sosaite iya pa mwaka S-201 iya bushiku bwa October 1. Moneni ne ca mu kati ica Ubutumikishi Bwesu Ubwa Bufumu ubwa October 1986, amaparagrafu 12-20.

◼ Nga ca kuti impendwa ya bamagazini bapokelelwa ne cilonganino cenu tailingene ne mpendwa ilangishiwe pe lebulo, twapaapaata lembeni pe lebulo iibulile. Tumeni ilebulo na kalata umwipi kuno ku ofesi.

◼ Amabumba ya bakasabankanya abali no kuyabombela ukuli ukubulisha mu myeshi ya ku ntanshi balingile ukutantika ukutambika broshuwa ya Cintu Lesa Afwaya nelyo icitabo ca Ukwishiba mu butumikishi bwabo.

◼ Ku Solomon Islands, ukutendeka no ukafuma wa January-March 1999, Loleni! akasabankanishiwa mu lulimi lwa ciPidgin ca ku Solomon Islands uukalafuma imiku 4 mu mwaka.

◼ Ukutendeka na January 1, 1999, Ulupungu lwa kwa Kalinda lukaba na mu lulimi lwa ciUmbunda. Lukalafuma lumo pa mweshi.

◼ Ukutendeka na January 8, 1999, Loleni! akaba na mu lulimi lwa cina Lativia. Akalafuma libili cila mweshi.

◼ Ukutendeka na January 15, 1999, Ulupungu lwa kwa Kalinda lukaba na mu lulimi lwa ciUrdu. Lukalafuma lubili cila mweshi.

◼ Impapulo Ishilipo:

Umuntu Wakulisha Uwabalile Abako Uwa Mweo—IciChewa, IciTonga, IciBemba, IciNgeleshi, IciLozi

Cinshi Cintu Lesa Afwaya Kuli Ifwe?—IciShona