Ukubilisha

◼ Ulupapulo lwa kutambika mu March: Ukwishiba Uko Kutungulula ku Mweo wa Muyayaya. Kukaba ukubombesha kwaibela ku kutampa amasambililo ya Baibolo. April na May: Kampeni wa kulembesha Ulupungu lwa kwa Kalinda. Sendeni na broshuwa wa Cintu Lesa Afwaya uwakupeela abalesekelela no kutukuta ukutampa amasambililo ya Baibolo. Ifilonganino ificili nafikwata ifitabo fya Kuti Waikala, filingile ukubombesha ukupwisha ifi fitabo pa musangulo wa K1,500 icikalamba na K750 icinono. June: Ukwishiba Uko Kutungulula ku Mweo wa Muyayaya.

◼ Bakasabankanya abalefwaya ukubomba bupainiya bwa kwafwilisha mu April na May balingile ukupekanya nomba no kutuma amaformu bwangu. Ici cikaafwa baeluda ukutantika bwino umulimo wa mwi bala no kukwata bamagazini balinga ne mpapulo shimbi isha kubomfya. Amashina ya basuminishiwa ukubombako bupainiya bwa kwafwilisha bonse yalingile ukubilishiwa ku cilonganino.

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa March 1 nelyo mu kwangufyanya pa numa ya ubo bushiku. Ilyo mwapenda, mukabilishe ku cilonganino pa kubilisha kukakonkapo ukwa lipoti wa ndalama.

◼ Icibukisho cikabako pali Cine, April 1, 1999. Nga ca kuti icilonganino cenu cilongana pali Cine, mukaseseshe ukulongana kwa lyonse pa bushiku bumbi ilyo Ing’anda ya Bufumu ishibomfiwa. Nga mwafilwa kabili Ukulongana kwa Mulimo kwayambukilwako, ninshi imbali sha kulongana kwa mulimo ishikumine sana icilonganino cenu kuti shasanshiwa mu Kulongana kwa Mulimo kumbi.

◼ Bonse ababishanya ne cilonganino balingile ukutuma ukulembesha Ulupungu lwa kwa Kalinda na Loleni! no kulembesha cipya cipya ukupitila mu cilonganino.

◼ Sosaite taituma amaorda ya mpapulo aya muntu pa lwakwe. Kangalila wa kutangilila alingile ukupekanya ukuti balebilisha cila mweshi ilyo orda wa cilonganino uwa cila mweshi uwa mpapulo talatumwa ku Sosaite pa kuti bonse abalefwayako impapulo bengeba munyina uubombelako. Twapaapaata ibukisheni impapulo sha kuorda mu kuibela kabili amaorda ya ishi yalingile ukuba pali kaboko nshinkaanya.

◼ Impapulo shilipo:

Insight on the Scriptures—mu cina France

Ukwishiba Uko Kutungulula ku Mweo wa Muyayaya—mu ciKaonde

Icitabo Candi ica Malyashi ya mu Baibolo—mu ciNgeleshi

New World Translation (Regular, bi12)—mu ciNgeleshi

Ifipusho Abacaice Bepusha—Ifyasuko Fibomba—mu cina France

Ukupelulula Ukufuma Mu Malembo—mu ciNgeleshi

Icaba Inkaama ku Nsansa sha Lupwa—mu cina France

Cinshi Cicitika Nga Twafwa?—mu Cibemba ne ciNgeleshi

◼ Compact Disc umupya:

Kingdom Melodies, Volume 5