Ukubilisha

◼ Impapulo sha kutambika mu August: Babroshuwa ba mabula 32 abali bonse pali aba kuti bashalikwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe!, “Moneni! Ifintu Fyonse Nafilenge Fipya,” na Kamfulumende Iikaleta Paradise. Nga cili icalinga babroshuwa ba A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War? kuti batambikwa. September: Ukwishiba Uko Kutungulula ku Mweo wa Muyayaya nelyo Umuntu Wakulisha Uwabalile Abako Uwa Mweo. October: Ukulembesha bamagazini ba Ulupungu lwa kwa Kalinda na Loleni!. November: Cinshi Cintu Lesa Afwaya Kuli Ifwe?, Ukwishiba Uko Kutungulula ku Mweo wa Muyayaya nelyo Ukusokolola—Akalume ka Kuko Kakalamba Nakapalama!

◼ Mu bwikashi ubuli bonse pa nshita shalekanalekana mu mwaka, kulaba inshiku sha mwikalwe isho abana tabaya ku sukulu na babomfi tabaya ku sha ncito. Ishi ni nshita shisuma ku cilonganino ukwingilishako imibombele yabo mu butumikishi bwa mwi bala. Baeluda balingile ukupekanishisha libela no kwishibisha icilonganino mu kubangilila pa lwa mitantikile ya bunte bwe bumba pa nshita sha mwikalwe.

◼ Amaformu yalinga aya kubomfya mu mwaka wa mulimo uwa 2000 yaletumwa ku cilonganino cimo na cimo. Twapaapaata aya maformu yalingile ukubomfiwa bwino. Yalingile fye ukubomfiwa ku mifwaile ya yako.

◼ Icilonganino cimo na cimo cikapokelela amaformu yatatu aya Kupendelapo Ifitabo (S-AB-18). Kalemba wa mu cilonganino alingile ukukumana no mubomfi wa fitabo mu kubangilila kwa August no kwimika ubushiku bwa kupenda ifitabo fya cilonganino ifilipo pa mpela ya mweshi. Ifitabo fyonse ifilipo filingile ukupendwa, ne fipendo fyonse fili no kulembwa pali formu wa Kupendelapo Ifitabo. Icipendo ca bamagazini balipo kuti capokwa ku mubomfi wa magazini. Twapaapaata tumeni formu wa kubalilapo ku Sosaite ilyo September 6 ashilafika. Sungeni formu wa bubili mu mafaelo yenu. Kope wa butatu kuti pambi abomfiwa nge pepala lya kupendelapo. Kalemba alingile ukwangalila ukupenda, kabili kangalila wa kutangilila afwile ukubebeta formu waisushiwa. Kalemba na kangalila wa kutangilila bakasaina formu.

◼ Ifilonganino filingile ukutendeka ukuorda Kalenda wa Nte sha kwa Yehova uwa mu 2000 pali orda wabo uwa mpapulo uwa September. Amakalenda yakabako mu Chichewa, Icibemba ne ciNgeleshi. Twapaapaata ishibeni ukuti ifi Fipe fya Kuorda mu Kuibela kabili amaorda yonse yafwile ukutuminwa pamo ne NDALAMA. S-14 na S-20 filingile ukulembwapo ubushiku bumo bwine, ukutuminwa pamo kabili fyonse filingile ukulembwapo C.W.O.

◼ Ukufuma pa August 23, 1999, ukufika ku August 27, 1999, Sosaite ikalapenda ifitabo fyonse ifili pa Bethel. Pa mulandu wa uku kupenda, takuli amaorda ya fitabo aya filonganino ayakabombelwapo no kutumwa nelyo ukusendwa muli isho nshiku.

◼ Tulefwaya ukwishibisha libela bonse abatendeke bupainiya bwa nshita yonse mu kubangililako nelyo ukufuma pa October 1, 1998, kabili abashilati basangwe kwi Sukulu lya Mulimo wa Bupainiya ukuti isukulu likabako mu October 1999. Shi pekanyeni ukuti mukasangweko kwi Sukulu lya Mulimo wa Bupainiya mu October. Bapainiya ishibeni ukuti uku kupayanya kufumine kuli Yehova. Kangalila wa muputule akamutumina ifyebo fyafulilako.

◼ Kalemba wa mu cilonganino akalonganika amalipoti ya mulimo ku kulemba pali formu wa Lipoti wa Kulondolola Icilonganino (S-10). Na kabili akatungulula bwino eluda uuli onse nelyo umubomfi utumikila uukalamwafwa ukulonganika lipoti. Ici cikashininkisha ukuti ifyebo ukufuma pa makardi ya Icalembwa ca Bukasabankanya ica Cilonganino (S-21) fikalembwe mu kulungika. Formu wa Lipoti wa Kulondolola Icilonganino (S-10), alingile ukwisushiwa mu kulungika kabili busaka busaka no kubebetwa bwino na Komiti wa Mulimo uwa Cilonganino.

◼ Bakalemba ba mu filonganino balingile ukushininkisho kuti amalipoti ya mulimo wa mwi bala aya cilonganino yatumwa mu kwangufyanya ilyo ubushiku bwa 6 mu mweshi umo na umo tabulafika.

◼ Twapaapaata bomfyeni Umutande wa Mitengo ipya ukufuma August 1, 1999, uwatumwa ku filonganino fyonse. Na kabili Ukupenda ifitabo kufwile ukupwishishiwa ilyo cilefika kuli July 31, 1999, no kutumwa ku Sosaite pa kuti ifilonganino fikalipilishiwe indalama ishalundilwepo ukufuma ku mitengo ya kale ukwisa ku mitengo ipya pa mpapulo isho fikwete.