Ukubilisha

◼ Ifya kutambika mu October: Ukulembesha Ulupungu lwa kwa Kalinda na Loleni! November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. December: Ukwishiba Uko Kutungulula ku Mweo wa Muyayaya na New World Translation nelyo nga tamukwete ifi lyene tambikeni Umuntu Wakulisha Uwabalile Abako Uwa Mweo. January: Ifitabo ifili fyonse ifya mabula 192 ifyasabankanishiwe ilyo 1986 ishilafika ifyo icilonganino cikwete. Ifilonganino ifishikwete ifyo fitabo kuti fyatambika Umutelelwe wa mu Kusalala kwa Calo pe Samba lya kwa “Cilolo wa Mutende” mu ciNgeleshi; Ukukutika Kuli Kasambilisha Mukalamba, “Ubufumu Bwenu Bwise,” Baibolo—Cebo ca kwa Lesa Nelyo ca Muntu? mu Cibemba; True Peace and Security—How Can You Find It?, Ubwaice Bobe—Ukukwatilamo Ifyawamisha mu ciLozi; Abaikatana mu Kupepa Lesa Umo Eka Uwa Cine mu Chichewa, Icibemba, ne ciLozi. Ifilonganino ifishikwete ifi fitabo kuti fyatambika icitabo ca kuti Life—How Did It Get Here? By Evolution or by Creation? nelyo Kuti Waikala Kuli Pe na pe muli Paradise Pe Sonde.

◼ Ica mu kati cili muli buno Ubutumikishi Bwesu Ubwa Bufumu cileti “Ukutantika Isukulu lya Butumikishi bwa Teokrasi mu 2000.” Sungeni cene pa kuti mukacibomfye mu mwaka wa 2000 onse.

◼ Nga ca kuti inshita mutendeka ukulongana ili no kuteululwa pa January 1, kuti cawama mwabilisha ici ku cilonganino.

◼ Ifilonganino filingile ukutendeka ukuorda Ukubebeta Amalembo Cila Bushiku mu 2000 ilyo baletuma orda wabo uwa fitabo uwa October. Utu tutabo tukabako mu ciSwahili, iciTonga, Icichewa, Icibemba, IciNgeleshi, iciLozi, iciLubale, ne. Ilyo utu tutabo tushilaisa no kutumwa, mukalamona ukuti pa mapepala ya kulongelapo ifitabo fya cilonganino pakalalembwa ati “Pa Numa.” Ukubebeta Amalembo fipe fya kuorda mu kuibela. Mulingile ukutuma orda wenu pamo ne ndalama, ukulemba pali S-14 na S-20, ukuti “C.W.O.”