Ukubilisha

◼ Ulupapulo lwa kutambika mu March: Ukwishiba Uko Kutungulula ku Mweo wa Muyayaya. Tukabombeshe ukutendeka amasambililo ya Baibolo aya mu ng’anda. April na May: Ukushalika Ulupungu lwa kwa Kalinda na Loleni! Shalikeni broshuwa wa Cintu Lesa Afwaya ku bantu abalefwaya ukusambilila icine, kabili bombesheni ukutendeka amasambililo ya Baibolo. June: Cinshi Cintu Lesa Afwaya Kuli Ifwe? Koseleleni pa kutendeka amasambililo ya Baibolo aya mu ng’anda.

◼ Bakasabankanya abalefwaya ukubombako bupainiya bwa kwafwilisha mu April na May balingile ukutontonkanyapo ino ine nshita pa kuti bengaleta amaformu ya kwipushishapo mu kubangilila. Ici cikafwa baeluda ukupekanishisha bwino umulimo wa mwi bala no kumona ukuti impapulo shalinga e po shili. Amashina ya bonse abasuminishiwe ukubombako bupainiya bwa kwafwilisha yalingile ukubilishiwa ku cilonganino cila mweshi.

◼ Ukutantika konse ukwe sambililo lya citabo mu citabo ca Angweniko ku Kusesema kwa kwa Daniele! kuli muli buno bwine Ubutumikishi Bwesu Ubwa Bufumu. Kuti mwacita fotokopi uku kutantika no kubika kwene mu citabo cenu pa kuti mulemonapo.

◼ Kangalila wa kutangilila nelyo umbi uo akasonta afwile ukupenduluka mu maakaunti ya cilonganino pa March 1 nelyo mu kwangufyanya pa numa. Bilisheni ku cilonganino lintu mwapwisha ukupenduluka mu maakaunti. Citeni ifyo pa numa ya kubelenga lipoti wa ndalama uukonkelepo.

◼ Icibukisho cikabako pali Citatu, April 19, 2000. Nga ca kuti pa cilonganino cenu mulongana pali Citatu, kuti mwasesesha pa bushiku bumbi muli uyu wine mulungu ilyo Ing’anda ya Bufumu tailebomfiwa ne filonganino fimbi. Nga ca kuti Ing’anda ya Bufumu ilebomfiwa na bambi kabili te kuti mulongane Ukulongana kwa Mulimo, amalyashi yamo ayakumine icilonganino cenu kuti mwayasansha mu Kulongana kwa Mulimo kumbi.

◼ Bonse ababa mu cilonganino kabili abalembesha kale atemwa abalelembesha cipya cipya Ulupungu lwa kwa Kalinda na Loleni!, nelyo ukulembesha ukuli konse ukwa pa lwabo balingile ukulembesha ukupitila mu cilonganino.

◼ Sosaite taibombela pali orda wa fitabo uwa kwa kasabankanya umo umo pa lwakwe. Kangalila wa kutangilila afwile ukushininkisha ukuti cila mweshi kuleba ukubilisha ilyo icilonganino tacilatuma formu wa kuorda impapulo ku Sosaite pa kuti bonse abalefwaya ukupokelela ifitabo bengeba uusakamana ifitabo. Kuti cawama lyonse muleibukisha ifipe fyalamwa.