Ukubilisha

◼ Ifya kushalika mu April na May: Amakope ya Ulupungu lwa kwa Kalinda na Loleni! Mulesendako na broshuwa wa Cintu Lesa Afwaya uwa kupeelako abengafwaya ukusambilila icine, kabili esheni na maka ukutampa amasambililo ya Baibolo. Mu June: Cinshi Cintu Lesa Afwaya Kuli Ifwe? Bombesheni ku kutampa amasambililo ya Baibolo. Mu July na August: Broshuwa uuli onse uwa mabula 32 pali aba kuti abomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe!, Ishina lya Bulesa Ilikatwalilila Kuli Pe na Pe, na Kamfulumende Iikaleta Paradise. Aya mabroshuwa yakonkapo kuti yashalikwa nga calinga: A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba? Our Problems—Who Will Help Us Solve Them?, na Will There Ever Be a World Without War?

◼ Twapaapaata sakamaneni mu kubomfya amaBaibolo ya mu ndimi sha cikaya pantu ilyo yakapwa ku ofeshi, tatwakayakwate na kabili. Mukalashita ku bashisha mu misebo na mu mashitolo. Kale kale amaBaibolo ya ciTonga na ciKaonde yalipwa ku ofeshi kabili kuti yashitwafye ku mashitolo ya ku myenu.

◼ Sosaite naikwata amabaundi volyumu ya CINGELESHI aya Ulupungu lwa kwa Kalinda aya myaka ya 1951 ukufika ku 1979, na ya Loleni! aya mu 1993 na 1995. Bakasabankanya abali bonse nelyo ifilonganino fipya ifilefwayako ishi mpapulo kuti nomba fyaorda ukupitila mu mubomfi wa fitabo uwa mu cilonganino.

◼ Kuli bakangalila ba kutangilila: Tulemulomba ukutuma ku Sosaite ifya kukumanya ifili fyonse icilonganino cenu cakumenye muli uno mwaka, ukusanshako ifya kukumanya pa lwa bupainiya bwa kwafwilisha. Twapaapaata tumeni ifi ilyo cilefika uyu mweshi uleisa, uwa May. Twapaapaata mwilaba ukutweba ulwa uletuma ica kukumanya nga ni kasabankanya wa lyonse kabili nga alashimikwe cisuma mu cilonganino, ishina lyakwe ne shina lya cilonganino alonganamo. Lembenimo mu kukumanina ubushiku akumenye ici ca kukumanya, amashina ya fifulo na bantu balumbulwa mu ca kukumanya, pamo ne shina lya kwa kangalila wa kutangilila.

◼ Nomba natukwata Watchtower Library—1999 Edition uwa pa kompyuta. Twapaapaata ibukisheni ukuti uyu laibrare te wa kusabankanya mwi bala, ku malaibrare ya masukulu, nelyo ku balefwaya ukwishiba fimo pa lwa Nte sha kwa Yehova. Watchtower Library—1999 wa kubomfya fye aba mu cilonganino kabili kuti mwaorda fye ukupitila mu cilonganino. Pali orda wa cilonganino pakalalembwa ati “Pa numa” ukufikila ama compact disc yakese.

◼ Takwakabe impapulo shikatumwa mu July. Twapaapaata ordeni impapulo shalinga mu May isho mwingabomfya mu June na July. Ukufuma mu August, amaorda ya mpapulo yonse yakalabombelwapo no kutumwa ukufuma ku South Africa. Twapaapaata twalilileni ukutuma amaorda yenu kwi ofeshi lya mu Zambia.

◼ Impapulo shilipo:

Insight on the Scriptures—mu ciNgeleshi

Icitabo Candi ca Malyashi ya mu Baibolo—mu Chichewa, iciLubale

Angweniko ku Kusesema kwa kwa Daniele—mu ciTonga, Icibemba, iciLozi, iciNgeleshi

Ukusokolola—Akalume ka Kuko Kakalamba Nakapalama!—mu Cibemba, iciNgeleshi

Umuntu Wakulisha Uwabalile Abako Uwa Mweo—mu Cibemba, icina France, iciNgeleshi

◼ Amakaseti yapya ayalipo:

Ilyo Untu Watemwa Afwa (kaseti umo)—mu ciNgeleshi

◼ Amavidio yapya ayalipo:

Young People Ask—“How Can I Make Real Friends?”—mu ciNgeleshi (Uyu ni vidio ulanda pa lwa kupanga ifibusa ifituntulu uwapekanishiwilwa Inte shacaice).