Ukubilisha

◼ Ulupapulo lwa kutambika mu May: Ulupungu lwa kwa Kalinda na Loleni! Mulesenda broshuwa wa Cintu Lesa Afwaya ku kutambika abalefwaya ukusambilila icine, kabili tukuteni ukutendeka amasambililo ya Baibolo. June: Cinshi Cintu Lesa Afwaya Kuli Ifwe? Tontomesheni pa kutendeka amasambililo ya Baibolo. July na August: Broshuwa uuli onse uwa mabula 32 pali aba kuti abomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe!, Ishina lya Bulesa Ilikatwalilila Kuli Pe na Pe, na Kamfulumende Iikaleta Paradise. Aya mabroshuwa yakonkapo kuti yashalikwa nga calinga: A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba? Our Problems—Who Will Help Us Solve Them?, na Will There Ever Be a World Without War?

◼ Takwakabe ifitabo ifikatumwa mu July. Shi ordeni ifitabo ifingi mu May ifikafika mu June na July. Ukutendeka mu August, amaorda ya mpapulo yonse yakulabombelwapo ukufuma ku South Africa ne fipe fyakulafuma kulya. Shi twalilileni ukutuma amaorda ya mpapulo kwi ofeshi lya muno Zambia.

◼ Pa kutwafwilisha ukupekanya no kwimbako no mutima onse pa Mabungano ya Citungu aya uno mwaka aya “Bakacita wa Cebo ca kwa Lesa,” Sosaite naisala inyimbo ishikembwa: 19, 42, 85, 91, 107, 111, 112, 113, 123, 155, 160, 164, 175, 177, 181, 191, 201, 202. Natubeleseshe kabela ishi nyimbo pa kutila tukembile Yehova inyimbo sha malumbo na maka yonse kabili mu kucincimuka.

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa June 1 nelyo mu kwangufyanya pa numa ya ubo bushiku. Ilyo mwapenda, mukabilishe ku cilonganino pa kubilisha kukakonkapo ukwa lipoti wa ndalama.