Ukubilisha

◼ Impapulo sha kutambika mu July na August: Broshuwa uuli onse uwa mabula 32 pali aba kuti abomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Ipakishe Ubumi pe Sonde kuli Pe na Pe!, Ishina lya Bulesa Ilikatwalilila Kuli Pe na Pe, na Kamfulumende Iikaleta Paradise. Amabroshuwa yakonkapo kuti yashalikwa nga calinga: A Book for All People, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War? September na October: Ulupungu lwa kwa Kalinda na Loleni! Pa fipempu fya kubwelelamo, kuti mwaipusha nga bengafwaya ukulembesha.

◼ Ukutendeka mu September, bakangalila ba miputule bakulalanda ilyashi lya ku cintubwingi ilileti “Ukuteka kwa Bantunse—Nakulingwa mu ca Kulingo Kufina.”

◼ Amasambililo ya Citabo aya pa Cilonganino mu mulungu we bungano lya citungu: Ulubali lwa kubalilapo ulwa fyebo fya kusambilila muli uyo mulungu lulingile ukusambililwa capamo no lubali lutantikwe ukusambililwa pa ntanshi ye bungano, ilintu ulubali lwa bubili lulingile ukulundwa ku lubali lutantikwe ukusambililwa mu mulungu wa pa numa ye bungano. Nga cakabilwa, amaparagrafu te kuti yabelengwe.

◼ Pa mulandu wa kuteulula kwa miputule ukuletwalilila, ifilonganino fikuminweko fileishibishiwa ukuti kuti fyasangwa kwi bungano lya citungu ilipalamine ukwabela Ing’anda ya Bufumu fibomfya.

◼ Twapaapaata moneni ukuti inshiku she bungano lya citungu ilya Chichewa ku Lusaka mu cibansa ca Independence Stadium nashalulwa. Ili bungano nomba likabako pa August 18-20, 2000.