Ukubilisha

◼ Impapulo sha kutambika mu March: Ukwishiba Uko Kutungulula ku Mweo wa Muyayaya. Kukaba ukubombesha kwaibela ku kutendeka amasambililo ya Baibolo aya pa ng’anda. April na May: Bamagazini ba Ulupungu lwa kwa Kalinda na Loleni! Nga ca kuti abo mwabwelelako balefwaya icine, tambikeni icitabo ca Ukwishiba nelyo broshuwa wa Cintu Lesa Afwaya, pa kuti mutendeke amasambililo ya Baibolo. June: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Bombesheni ku kutendeka amasambililo ya Baibolo aya mu ng’anda.

◼ Bakasabankanya abalefwaya ukubomba bupainiya bwa kwafwilisha mu April bafwile ukutendeka ukuipekanya ino ine nshita no kwisushisha amaformu yabo aya bupainiya bwa kwafwilisha pa kuti bakapeele baeluda ilyo kucili nshita. Nga bacite co, cikangukila baeluda ukutantika imibombele ya mulimo wa mwi bala. Amashina ya bonse abakasuminishiwa ukubomba bupainiya bwa kwafwilisha yafwile ukubilishiwa ku cilonganino.

◼ Icibukisho cikabako pa Mulungu, April 8, 2001. Takwakabe ukulongana ukuli konse kumbi pali ubu bushiku, kano fye ukukumana kwa mulimo wa mwi bala. Baeluda kuti batantika ubushiku bumbi ubwingalinga ukulongana ku kusambilila Isambililo lya Ulupungu lwa kwa Kalinda.

◼ Sosaite taibombela pali orda wa fitabo uwa kwa kasabankanya umo umo pa lwakwe. Kangalila wa kutangilila afwile ukushininkisha ukuti cila mweshi kuleba ukubilisha ilyo icilonganino tacilatuma formu wa kuorda impapulo ku Sosaite pa kuti bonse abalefwaya ukupokelela ifitabo bebe uusakamana ifitabo. Kuti cawama lyonse muleibukisha impapulo ishaba fipe fyalamwa.

◼ Cili icacindama ukuti ibumba lya bantu 20 nelyo ukucilapo abalepanga ukutandalila amaofeshi ya Sosaite ku Makeni bafwile intanshi batuma kalata nelyo lamya ku Bethel Office. Ukutandasha kubako pali Cimo ukufika pali Cisano, ne nshita ya 8:00 hrs ukufika 15:00 hrs. Takuba ukutandasha pa numa ya 15:00 hrs na pa mpela sha milungu. Tumeni impendwa ya bantu abakesa no bushiku ne nshita mukatandala. Ilyo mushilaima, shi pitulukeni mu fyebo fya Umukululo wa Fipusho mu Ubutumikishi Bwesu Ubwa Bufumu ubwa March 1998.

◼ Impapulo Shipya Ishilipo:

Inte sha kwa Yehova—Ni Bani? Finshi Basuminamo?—mu ciChewa, Icibemba, iciNgeleshi, iciFrench, iciLozi, iciSwahili, iciTumbuka.

◼ Icipe cili ku Sosaite:

Utumanikilo twa Plastiki utwa Mabaji (umwa kubika amabaji ye bungano)