Ukubilisha

◼ Impapulo sha kutambika mu November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Nga ca kuti abantu balikwata kale ishi mpapulo, kuti mwatambika Ukusapika Lesa Ukwa Mutundu wa Muntu nelyo icitabo cimbi ica kale. December: Umuntu Wakulisha Uwabalile Abako Uwa Mweo. Nelyo kuti mwatambika impapulo shimbi pamo nga Icitabo Candi ca Malyashi ya mu Baibolo, Baibolo—Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise Pe Sonde. January: Icitabo icili conse ica mabula 192 ico icilonganino cikwete icasabankanishiwe pa ntanshi ya 1987. Ifilonganino ifikwete icitabo ca Ukusapika Lesa Ukwa Mutundu wa Muntu kuti fyacitambika. February: Ukusokolola—Akalume ka Kuko Kakalamba Nakapalama!, nelyo icitabo cimbi ica kale ica mabula 192 ico icilonganino cikwete.

◼ Pa kulongana kwa citungu ukwa “Bakasambilisha wa Cebo ca kwa Lesa,” cabilishiwe ukuti icitabo cipya icileti Nonkelenimo mu Masambililo ya Isukulu lya Butumikishi Ilya Bulesa cikafuma ku kupwa kwa uno mwaka no kuti tukatendeka ukucibombya mwi sukulu mu July 2002. Lelo kuli ukwaluka. Cakulafuma panonono panono mu ndimi shalekanalekana ukutendeka ku kutampa kwa mwaka wa 2002. Inshita tukatendeka ukubomfya ici citabo mwi Sukulu lya Butumikishi Ilya Bulesa nayo nayalulwa. Tatwakatendeke mu July 2002 lelo, tukatendeka mu January 2003.

◼ Kangalila wa kutangilila nelyo umo uo asonta afwile ukupenduluka mu ndalama sha cilonganino pa December 1 nelyo mu kwangufyanya pa numa fye. Ilyo mwapwa ukupendulukamo, bilisheni ku cilonganino pa numa ya kubelenga lipoti wa ndalama uukakonkapo.

◼ Ifilonganino fifwile ukutendeka ukuorda 2002 Yearbook of Jehovah’s Witnesses pamo na orda wa mpapulo shimbi uwa mu mweshi wa November. Yearbook ikaba mu ciNgeleshi. Ukufikila ifi fitabo fyatumwa, pa mutande wa kulongelapo ifitabo pakulalembwa ati “Ifikesa pa numa.” 2002 Yearbook of Jehovah’s Witnesses citabo ca kuorda mu kuibela, e kuti icilonganino cifwile fye ukuorda ifi fitabo nga pali abalefifwaya; umubomfi wa fitabo te kuti aorde ifitabo ifingi ifya icilonganino. E co, mufwile ukulemba bwino bonse abalefwaya ukuorda ifi fitabo. (Moneni Akatabo pa fya Kuorda Impapulo sha Watch Tower, Iciputulwa 3.) Imitwe ya ndupwa kuti baordako Yearbook umo uwa lupwa lwabo lonse.

◼ Amaofeshi ya Nte sha kwa Yehova tayabombela pa maorda ya mpapulo sha muntu umo umo. Kangalila wa kutangilila afwile ukupekanya ukuti balebilisha ulwa ici cila mweshi ilyo orda wa mpapulo sha cilonganino ashilatumwa ku maofeshi pa kuti bonse abalefwaya ukupokako ifitabo baeba munyina uubombela ku mpapulo. Kuti cawama muleibukisha impapulo isho baorda mu kuibela.

◼ Bakaseti ba vidio abalipo:

Noah—He Walked With God—mu cina Portugal

The Greatest Man Who Ever Lived—On Videocassette, Volume 3—Ululimi lwa Bankomamatwi ulwa cina America