Ukubilisha

◼ Ulupapulo lwa kutambika mu February: Life—How Did It Get Here? By Evolution or by Creation?, Ukusokolola—Akalume ka Kuko Kakalamba Nakapalama!, nelyo icitabo ca mabula 192 ica kale ico icilonganino cikwete. March: Ukwishiba Uko Kutungulula ku Mweo wa Muyayaya. Tukabombeshe sana ukutendeka amasambililo ya Baibolo aya pa ng’anda. April na May: Bamagazini ba Ulupungu lwa kwa Kalinda na Loleni! Tambikeni broshuwa wa Cintu Lesa Afwaya, nge nshila ya kutendekelamo amasambililo ya Baibolo.

◼ Bakasabankanya kuti batambika broshuwa wa Cintu Lesa Afwaya nelyo icitabo ca Ukwishiba ilyo balebombela mu cifulo icishibombelwamo sana. Nga ca kuti mwine ng’anda alikwata ishi mpapulo kuti mwamushila impapulo shimbi. Bonse tufwile ukusenda batrakiti balekanalekana aba kushila abashisangwa pa ng’anda nelyo ukupeela abantu abakana impapulo. Tufwile ukubombesha ukubwelela kuli balya abalemoneka ukufwaya ukusambilila, maka maka ababa mu fifulo fishibombelwamo ilingi uko ifilonganino fimo fingafika.

◼ Amafunde ya National Registration Regulations yatila bonse abena Zambia abali ne myaka 16, nelyo abacilapo lelo abashaishiba ubushiku bafyelwe balingile ukuya kwi ofeshi lya National Registration Office ilyabela mupepi no ko bekala pa kuti bakopwe akakope ka National Registration Card. Nabalealula ishina na bo bene bafwile ukuya mu kukopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakakabila ukwibukisha ici no kucinkulako bamunyinefwe na bankashi bacaice abalepalamina ku mushinku wa myaka 16.

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa March 1 nelyo mu kwangufyanya pa numa. Ilyo ici cacitwa, bilisheni ku cilonganino pa numa ya kubelenga lipoti wa ndalama uukonkelepo.

◼ Kalemba na kangalila wa mulimo balingile ukupituluka mu mibombele ya bapainiya wa nshita yonse bonse. Nga ca kuti pali bapainiya abali no bwafya bwa kukumanisha amaawala yafwaikwa, baeluda balingile ukutantika ifya kubafwilisha. Pitulukeni mu makalata ya Sosaite aya cila mwaka aya S-201 no kubulamo imitubululo. Moneni na maparagrafu 12-20 mu ca mu kati ca Ubutumikishi Bwesu Ubwa Bufumu ubwa October 1986

◼ Cenjeleni kuli bakabolala ba pa Intaneti abalesonkesha indalama ukubepa ati shakwafwila bamunyinefwe abaponenwe no tuyofi utwaliko nomba line. Ilyo lyonse casangwa ati kuti kwakabilwa ukupanga komiti wa kukumbusuka ku kupeela ukwafwa kwa ku mubili ku Nte sha kwa Yehova, bamunyinefwe bashingamwa bakeshibishiwa. Ubupe bwa musango yo bufwile ukutumwa ku Watch Tower, Zambia.

◼ Ilyashi lya cintubwingi ilyaibela ilya mu nshita ya Cibukisho mu 2002 likalandwa pa Mulungu, April 14. Likaba no mutwe wa kuti: “Fulukisheni ‘Ubushiku bwa Kutiinya’!.” Autulaini akatumwa. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela, bena bakalanda ilyashi umulungu ukonkelepo. Takuli icilonganino icilingile ukulanda ilyashi lyaibela ilyo April 14, 2002 ishilafika.