Ukubilisha

◼ Ulupapulo lwa kushalika mu March: Ukwishiba Uko Kutungulula ku Mweo wa Muyayaya. Kukaba ukubombesha pa kutendeka amasambililo ya Baibolo. April na May: Ulupungu lwa kwa Kalinda na Loleni! Bakasabankanya bafwile ukweba abene ng’anda ukutila kuti basangwilako ku mulimo wa mwi sonde lyonse nga bafwaya ukucite fyo. Apo mwasanga abalefwaya ukusambilila, tambikeni broshuwa wa Cintu Lesa Afwaya Kuli Ifwe, no kwesha ukutendeka amasambililo ya Baibolo. June: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Nga ca kutila abene mayanda nabakwata ishi mpapulo, tambikeni broshuwa walinga uo icilonganino cikwete.

◼ Bakasabankanya abalefwaya ukubombako bupainiya bwa kwaafwilisha mu April bafwile ukupekanya nomba line no kuleta formu wa kwipushishapo mu kwangufyanya. Ukucita ifi kukalenga baeluda ukuteyanya bwino umulimo wa kushimikila. Amashina ya bonse abasuminishiwe ukubombako bupainiya bwa kwaafwilisha yafwile ukubilishiwa cila mweshi.

◼ Icibukisho cikaba pali Cine, March 28, 2002. Nga ca kutila icilonganino cenu mulongana pali Cine, mufwile ukulongana ubushiku bumbi mu mulungu ubo bambi bashilonganina mu Ng’anda ya Bufumu. Nga ca kutila takuli ubushiku bumbi ubo Ing’anda ya Bufumu ishilonganinwamo kabili mwafilwa ukukwata Ukulongana kwa Mulimo, imbali shikumine sana icilonganino cenu kuti shalandwapo pa Kulongana kwa Mulimo kumbi.

◼ Amaofeshi ya Nte sha kwa Yehova tayabombela pa maorda ya mpapulo sha muntu umo umo. Kangalila wa kutangilila afwile ukupekanya ukuti balebilisha ici cila mweshi ilyo orda wa mpapulo sha cilonganino ashilatumwa ku maofeshi pa kuti bonse abalefwaya ukupokako ifitabo balembesha kuli munyina uubombela ku mpapulo. Kuti cawama muleibukisha impapulo isho baorda mu kuibela.

◼ Calicindama ukuti ibumba lya bantu 20 nelyo ukucilapo abalepanga ukutandalila amaofeshi ya Sosaite ku Makeni bafwile intanshi batuma kalata nelyo lamya ku Bethel Office. Ukutandasha kubako fye pali Cimo ukufika pali Cisano, ne nshita ya 8:00 hrs ukufika 15:00 hrs. Takuba ukutandasha pa numa ya 15:00 hrs na pa mpela ya milungu. Tumeni impendwa ya bantu abakesa no bushiku ne nshita mukatandala. Ilyo mushilaima, shi pitulukeni mu fyebo fyaba pa Umukululo wa Fipusho mu Ubutumikishi Bwesu Ubwa Bufumu ubwa March 1998 pa lwa mifwalile isuma no kusakula ilyo muletandalila amayanda ya Bethel.