Ilyashi lya Teocrasi

Mu October na mu November 2001 Amayanda ya Bufumu ayapya 22 yalipeelwe.

Cine cine iyi ni mbila nsuma kabili iya kusansamusha nga nshi. Mu October Amayanda ya Bufumu 10 ayakonkapo yalipeelwe: Chitenda East, Kabwe Chowa Central, Kabwe Highridge, Kabwe Mine, Kabwe Mine West, Lumpampa, Mazabuka, Mazabuka Central, Mbete na Musaba. Mu November, Amayanda ya Bufumu na yambi 12 yalipeelwe: Chamalenje, Chongwe East, Choto West, Kafukula East, Kapululwe, Lusaka Kabanana West, Lusaka Malipodi, Matuku, Nakabwe, Nyakasongo na ku Rufunsa, uko Amayanda ya Bufumu yabili yapeelwe.

Tulebwekeshapo ukutasha bonse ababa mu Fitungu Ifikuula Amayanda ya Bufumu mu calo cesu conse, ababomfi ba kuitemenwe ne ndupwa shabo pa kuipeelesha kwabo ku kwafwa ukukuula Amayanda ya Bufumu ayalekabilwa sana. Ifipendo fyesu filelanga ukuti nomba tukwete Amayanda ya Bufumu 145. Lelo, tucili tulekabila Amayanda ya Bufumu na yambi. Tulekoselesha ifilonganino fyonse ifilekabila Ing’anda ya Bufumu ukucite fi: (1) ukufwaya apa kukuula, (2) ukuyamona aba mu Citungu cabo ica Kukuula Amayanda ya Bufumu na (3) ukukonkanyapo imisangulo yabo iya bukuule. Ibumba Litungulula lilefwaya ifilonganino ukulalonganina mu Mayanda ya Bufumu aya kuulwa bwino. E co, kuti twatasha sana nga abengi baitemenwa ukwafwako ukukuula ifi fifulo fya kupepelamo.