Ukupitulukamo Kwa Kulemba Ukwe Sukulu Lya Butumikishi Bwa Teokrasi
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya May 6 ukufika ku August 19, 2002. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Ilembo lya kwa Yeremia 18:1-6 lilangilila ukuti Yehova alenga abantu ukucita ifyo bashilefwaya. [Ukubelenga kwa Baibolo ukwa cila mulungu; moneni w99-CW 4/1 ibu. 22 amapara. 3-4.]
2. Bakasesema ba bufi baibile amaka ne fya kufumamo fingesako ukufuma mu Cebo ca kwa Lesa ukupitila mu kukoselesha abantu ukukutika ku bufi ukucila ku kusoka kwa cine ukwafuma kuli Lesa. (Yer. 23:30) [Ukubelenga kwa Baibolo ukwa cila mulungu; moneni w92-CW 2/1 ibu. 4 para. 3.]
3. Pali Yeremia 25:15, 16 “ulukombo luno” ululenga “inko shonse . . . ukucita nga bapena” lulosha ku fyo ukupepa kwa bufi kutumpika abantu. [Ukubelenga kwa Baibolo ukwa cila mulungu; moneni w94-CW 3/1 ibu. 20 para. 13.]
4. Ukulingana na fintu ukusesema kwa kwa Yeremia kwabomfiwe kuli Mateo, “icalo ca mulwani” icalandwapo calo ca mfwa, uko balya bana Herode Mukalamba aipeye bali no kubwela ukupitila mu kubuushiwa. (Yer. 31:15, 16; Mat. 2:17, 18) [Ukubelenga kwa Baibolo ukwa cila mulungu; moneni w80-CW 1/1 ibu. 11 para. 13.]
5. Yeremia 37:21 atulaya ukuti Yehova kuti aikusha ababomfi bakwe aba busumino mu nshita sha bwafya bwa fya ndalama. [Ukubelenga kwa Baibolo ukwa cila mulungu; moneni w97-CW 9/15 ibu. 3 para. 4-ibu. 4 para. 2.]
6. Ibuuku lya Inyimbo sha Bulanda lilumbulula ubulanda bwashika pa konaulwa kwa Yerusalemu mu 607 B.C.E. kuli Nebukadnesari, imfumu ya Babele. [si-CW ibu. 130 para. 1.]
7. Ilembo lya Inyimbo sha Bulanda 5:7 lilangilila apabuuta ukuti Yehova alakanda abana mu kulungatika pa membu sha bafyashi babo. [Ukubelenga kwa Baibolo ukwa cila mulungu, moneni w88-CW 9/1 ibu. 27 umukululo.]
8. Akashilwa pa mpumi akalandwapo pali Esekiele 9:4 cipilibula ukuti ukwishiba kweka kukapususha umuntu. [Ukubelenga kwa Baibolo ukwa cila mulungu; moneni w88-CW 9/15 ibu. 14 para. 18.]
9. “Ifya bupe ku bantu” ifyalandwapo pa Abena Efese 4:8 ni baeluda ba Bwina Kristu, abasontwa no mupashi wa mushilo kabili abapeelwa ubutungulushi bwa kusakamana ukukabila kwa ku mupashi ukwa basumina banabo. (Imil. 20:28) [w00-CW 8/1 ibu. 6 para. 3.]
10. Mu kufishiwapo kwa muno nshiku ukwa kwa Esekiele icipandwa 23, buProtestanti kuti bwapashanishiwa kuli Oholiba na buRoma Katolika kuli nkashi nankwe Ohola. [Ukubelenga kwa Baibolo ukwa cila mulungu; moneni w88-CW 9/15 ibu. 21 para. 22.]
Asukeni ifipusho fyakonkapo:
11. Ni bakasesema nshi batatu abapulilemo mu myaka yakakala ukufuma mu 617 ukufika mu 607 B.C.E., iyatungulwile ku konaulwa kwa Yerusalemu? [si-CW ibu. 133 para. 2.]
12. Ni shani fintu ukutasha kwine kwine pe lambo lya cilubula ilya kwa Kristu kumoneka, mu kwankula ku bwite bwa pali Luka 9:23? [w00-CW 3/15 ibu. 8 para. 1.]
13. Ni mu nshila nshi Yehova ‘abepele’ Yeremia? (Yer. 20:7) [Ukubelenga kwa Baibolo ukwa cila mulungu; moneni w89-CW 5/1 ibu. 31 para. 6.]
14. Yesu aloseshe mwi ilyo atile umupashi wa mushilo ‘ukamusambilisha fyonse, no kumwibulula fyonse ifyo nasosele kuli imwe’? (Yoh. 14:26) [w00-CW 4/1 ibu. 7-8.]
15. Ukulingana na Yeremia 35:18, 19, lisubilo nshi lyakwata ibumba lya bena Rekabu ba muno nshiku? [Ukubelenga kwa Baibolo ukwa cila mulungu; moneni su-CW ibu. 131 para. 7.]
16. Ni mu nshila nshi abaNefili babelele “amapaka” kabili “abaume ba lulumbi”? (Ukute. 6:4) [w00-CW 4/15 ibu. 27 para. 9.]
17. Ni shani fintu Baruki apungaile lwa ku mupashi, kabili cinshi twingasambilila kuli ci cacitike? (Yer. 45:1-5) [Ukubelenga kwa Baibolo ukwa cila mulungu; moneni w97-CW 8/15 ibu. 21 amapara. 14-16.]
18. Ni lilali ukusesema kwa pali Yeremia 50:38 kwafishiwepo kabili kwafishiwepo shani? [Ukubelenga kwa Baibolo ukwa cila mulungu; moneni dp-CW ibu. 150 amapara. 2-3.]
19. Bushe icacitikile Yerusalemu, “umwana mwanakashi uushaupwa,” cilangililo kuti cinshi cikacitikila Kristendomu, ukulingana na Inyimbo sha Bulanda 1:15? [Ukubelenga kwa Baibolo ukwa cila mulungu; moneni w88-CW 9/1 ibu. 27 umukululo.]
20. Bushe amashiwi ya kuti “fumye citebo, no kufuule cilongwe” ayalembwa pali Esekiele 21:26 yalola mwi? [Ukubelenga kwa Baibolo ukwa cila mulungu; moneni w88-CW 9/15 ibu. 19 para. 16.]
Lembeni ishiwi nelyo amashiwi ayalekabilwa ku kupwishishisha ubulondoloshi bwakonkapo:
21. Umuntu wafuuka․․․․․․․․ mu ․․․․․․․․ isuma kabili aleshiba ukuti kwaliba ․․․․․․․․ ilyo alefwaya ukucita fimo ifyo engaba na maka ya kucita. (Mika 6:8) [w00-CW 3/15 ibu. 21 amapara. 1-2.]
22. Nangula umupashi wa mushilo napamo te kuti useshepo ․․․․․․․․ nelyo ․․․․․․․․, kuti watwafwilisha ․․․․․․․․. (1 Kor. 10:13; 2 Kor. 4:7) [4, w00-CW 4/1 ibu. 11 para. 6.]
23. Kasesema Daniele ailwike ukufuma ku kulemba kwa kwa Yeremia ukuti ukupomonwa kwa Yerusalemu kwafwile ukuba ․․․․․․․․ ukufikilishiwa kwalungika ukwa ici kukoshe citetekelo cesu mu maka ya kwa Yehova aya ․․․․․․․․. (Yer. 25:12; Dan. 9:2) [si-CW ibu. 129 para. 37.]
24. Ibuuku lya Inyimbo sha Bulanda lilingile ukupuutamo ․․․․․․․․ na ․․․․․․․․ muli bakapepa ba cine bonse kabili lyaba kusoka kwabamo ․․․․․․․․ ku basuula Yehova Lesa. [si-CW ibu. 132 para. 13.]
25. Ica kumwenako ca kwa Abrahamu ica kuba uuteuluka pa kupwisha ubwafya cilatukoselesha ukukanaleka ․․․․․․․․ nelyo ․․․․․․․․ ukonaula bucibusa bwesu busuma na bamunyinefwe. (Ukute. 13:5-12) [w00-CW 8/15 ibu. 24 amapara. 3-4.]
Saleni icasuko calungama mu fyebo fili muli cino ciputulwa:
26. Yobo akatamike (ukwishiba kwa kwa; uluse lwa kwa; ubupingushi bwa kwa) Yehova ne co calengele (alebomba mu kushilimuka na; abelele uluse; alecito bulungi ku) basha bakwe. (Yobo 31:13, 14) [w00-CW 3/15 ibu. 26 para. 1.]
27. Pali Yeremia 16:2-4, uyu kasesema aebelwe ukutwalilila umushimbe (ku kulanga ukuipeelesha kwakwe; ku kucite cinshingwa ifyo Mesia aali no kwisaikala umushimbe; ku kushininkisha ukuti icebo ca kwa Yehova pa lwa konaulwa kwa Yerusalemu cali no kufishiwapo). [Ukubelenga kwa Baibolo ukwa cila mulungu; moneni w78 4/15 ibu. 31 para. 2.]
28. Pa Amapinda 4:7, amano yaba (kubeleshanya ne fishinka; kumone fyo ifishinka fyayampana ku fishinka fimbi; kubomfya ukwishiba no mucetekanya). [w00-CW 5/15 ibu. 21 para. 1.]
29. Takuli umuntunse ilelo uwingashikimika ifyo ishina lya bulesa lyaleshimbulwa mu ciHebere pantu iciHebere ca mu Baibolo mu kutendekelako calelembwa fye na (mavawelo; makonsonanti). [rs-CW ibu. 423 para. 1.]
30. Iceleta lya kwa Lesa ilyalondololwa muli Esekiele icipandwa 1 limininako (Ubufumu bwa buMesia ubwa kwa Lesa; ukuteyanya kwa ku mupashi ukwa bumalaika ukwa kwa Yehova; ukumfwana kwa kwa Yehova na bashalapo). [Ukubelenga kwa Baibolo ukwa cila mulungu; moneni w88-CW 9/15 ibu. 11 para. 5.]
Linganyeni aya malembo ku fyebo fili pe samba:
Amala. 7:25, 26; Amapi. 4:18; 5:21; Yer. 46:28; Rom. 15:4
31. Ili kambisho lipayanya icipasho ukukuma ku fintu abantu ba kwa Yehova balingile ukumona ifipasho ifili fyonse ifyo pambi bacindikishe. [rs-CW ibu. 138 para. 3.]
32. Inshila yawamisha imo intu Yehova atusansamushishamo yaba kupitila mu Cebo cakwe icalembwa, umwaba isubilo lya ku ntanshi ilyawamisha. [w00-CW 4/15 ibu. 5 para. 4.]
33. Ukusalapula kwa bafyashi takulingile ukucisha mu cipimo nelyo ukucisha pa mifwaile ya kuko iya kulungika no kusambilisha. [Ukubelenga kwa Baibolo ukwa cila mulungu; moneni kl-CW ibu. 148 para. 20.]
34. Apo Yehova alenga ababomfi bakwe ukumfwikisha imifwaile yakwe panono panono, ukwishiba kwaingilishiwako ilingi line kufwayo kuteuluka mu kutontonkanya kwa umo. [rs-CW ibu. 187 para. 1.]
35. Bucisenene ubuli bonse, nangu bwacitwa mu bumfisolo, tabubelama ku menso ya kwa Lesa. [w00-CW 7/15 ibu. 31 para. 3.]