Ukubilisha

◼ Ulupapulo lwa kutambika mu December: Umuntu Wakulisha Uwabalile Abako Uwa Mweo. Impapulo shimbi isho mwingatambika ni: Baibolo—Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, nelyo Kuti Waikala Kuli Pe na pe Muli Paradise pe Sonde. January: Icitabo icili conse ica mabula 192 icasabankanishiwe ilyo umwaka wa 1988 ushilafika kuti mwacitambika. Ifilonganino ifishikwete ifitabo fya kale ifya mabula 192 kuti fyashalika icitabo ca Ukusapika Lesa Ukwa Mutundu wa Muntu. February: Tukalatambika icitabo cipya ica Palameni Kuli Yehova. March: Ukwishiba Uko Kutungulula ku Mweo wa Muyayaya. Tukabombesha sana ukutendeka amasambililo ya Baibolo aya pa ng’anda.

◼ Tulemwishibisha ukuti Icibukisho mu 2004 cikaba pa Mulungu, pa April 4, cilya akasuba kawa. Twamwishibisha kabela pa kuti bamunyinefwe ababa uko ifilonganino ifingi fibomfya Ing’anda ya Bufumu imo batendeke ukupekanya nelyo ukwipushaipusha ku bakwata ifikuulwa ifyo bengasefeshamo Icibukisho. Baeluda bafwile ukusuminishanya na bene ba fikuulwa ukuti takwakabe ifya kupumfyanya muli ico cikuulwa pa kuti ukusefya Icibukisho kukacitwe mu mutende kabili mu muyano. Apo icibukisho calindama, ibumba lya baeluda lifwile ukusala eluda wafikapo e o baeba ukulanda ilyashi lya Cibukisho, ukucila ukulapokelana fye nelyo ukubomfya munyina umo wine cila mwaka. Nga pali Eluda wasubwa uwafikapo, uwingalanda ilyashi, e ufwile ukusalwa.

◼ Bakasabankanya bonse ababatishiwa abalipo pa Kulongana kwa Mulimo ukwa mulungu wa January 6 kuti bapokako kardi wa Advance Medical Directive/Release na Identity Card uwa bana babo.

◼ Kuli ukwaluka mu fyo Isukulu lya Butumikishi Ilya Bulesa likalatungululwa mu mulungu wa kutandala kwa kwa Kangalila wa muputule. Ukutendeka mu January 2003, pa numa ya lwimbo ne pepo, isukulu likalatungululwa pa maminiti 25. Kukaba ilyashi lya maminiti 5 pa milandile, ilyashi lya kufunda pa maminiti 10, ne fishinka fikalamba ifya Baibolo pa maminiti 10. Amalyashi na. 2, 3, na 4 tayakalandwe. Pa numa ye sukulu pakakonka Ukulongana kwa Mulimo ukwa maminiti 30. Pa numa ya lwimbo kukaba ilyashi lya maminiti 30 ilikalandwa na kangalila wa muputule, e lyo pakakonke ulwimbo lwa kusondwelela ne pepo.

◼ Impapulo shipya ishilipo:

Sambilileni Ukubelenga no Kulemba—Cibemba