Ukupitulukamo Kwe Sukulu Lya Butumikishi Ilya Bulesa
Ifipusho fyakonkapo fikapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa February 24, 2003. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa January 6 ukufika February 24, 2003. [Icishibisho: Apashili ica kuloshako, mufwile ukuisapikila pa kusanga ifyasuko.—Moneni icitabo ca Isukulu lya Butumikishi, amabu. 36-7.]
IMILANDILE
1. Cine nelyo Bufi: Icingalenga ukulungika mu kubelenga kushininkisha ukuti icilebelengwa cileumfwika icalungama, nangu ca kuti capusanako panono ne cilembelwe. Londololeni. [be ibu. 83]
2. Asukeni amashiwi ayalekabilwa: Pa kuti ukubelenga kube ukwalungika tufwile ․․․․․․․․, ․․․․․․․․, ․․․․․․․․ kabili ukucite fyo mu kupongomoka. [be ibu. 85]
3. Mulandu nshi cacindamina ukushikimika pa kulanda? (1 Kor. 14:8, 9) [be ibu. 86]
4. Fintu nshi fimo ifingalenga ukulongofyanya pa kusosa, kabili kuti twacita shani pa kulanda ifyaumfwika? [be amabu. 87-8]
5. Mashiwi nshi yamo ayabomfiwe mwi Sukulu lya Butumikishi Ilya Bulesa pa myeshi yapita ibili ayo muleyumfwa ukuti mulekabila ukubelesha ukuyashimbula bwino? [be ibu. 92]
ILYASHI NA. 1
6. Cine nelyo Bufi: Amenso yesu kuti yatwafwa ukukutika. Londololeni. [be ibu. 14]
7. Asukeni amashiwi ayalekabilwa: ․․․․․․․․, ․․․․․․․․, na ․․․․․․․․ fyonse fibomba nge fya kulangilile inshita ifyo Lesa abikako. [si ibu. 279 para. 7]
8. Asukeni amashiwi ayalekabilwa: Ukulingana ne fyo libomfiwa muli Baibolo, ishiwi “ubushiku” kuti lyalosha ku ciputulwa ca nshita ica maawala ․․․․․․․․, amaawala ․․․․․․․․, imyaka ․․․․․․․․, nelyo ․․․․․․․․, amashiwi yashingulukako e yalangilila amano umo ishiwi libomba. [si ibu. 279 para. 8]
9. Bushe ifya kumwenako fya kwa Hana, Marko, na Eliya kuti fyatwafwa shani ukucimfya ukufuupulwa? Kuti twabomfya shani ifi fya kumwenako ku kwafwa bambi? [w01 2/1 amabu. 20-3]
10. Ni shani fintu ukumfwikisha ifyangalo fya pa kale kulenga ukumfwikisha ifikomo fimo ifya mu Baibolo? Ifi fyebo filingile ukwambukila shani imikalile yesu? [w01 1/1 amabu. 28-31]
UKUBELENGA BAIBOLO UKWA CILA MULUNGU
11. Cine nelyo Bufi: Apo Ubufumu bwa kwa Lesa bwaimikwe mu muulu mu 1914, tacalinga ino nshita ukupepa ati, “Ubufumu bwenu bwise.” (Mat. 6:10) Londololeni. [be ibu. 279; w96 6/1 ibu. 31]
12. Cine nelyo Bufi: Amashiwi ya kwa Yesu ayalembwa pali Mateo 11:24 yapilibula ukuti abo Yehova aonawile ku mulilo mu Sodomu na Gomora bakabuushiwa. Londololeni.
13. Saleni Icasuko Calungama: Umusha wa cishinka kabili uwashilimuka Yesu alumbwile pali Mateo 24:45-47 (a) Libumba Litungulula ilya Nte sha kwa Yehova; (b) Bena Kristu bonse abasubwa nge bumba pe sonde pa nshita iili yonse; (c) ni Yesu Kristu umwine. Uyu musha apayanya ica kulya ca ku mupashi pa nshita yalinga ku “ba mu ng’anda,” abemininako (a) abasubwa umo umo; (b) impaanga shimbi; (c) bonse ababelenga impapulo sha Bwina Kristu. Shikulu alaashike umusha pali fyonse ifyo akwata mu mwaka wa (a) 1914; (b) 33 C.E.; (c) 1919.
14. Saleni Icasuko Calungama: Isumbu lyalandwapo mu mulumbe wa kwa Yesu pali Mateo 13:47-50 mwasanshamo icilonganino ca Bena Kristu basubwa (a) no Bufumu bwa kwa Lesa ubwa buMesia; (b) na banabo aba mu mpaanga shimbi; (c) na Kristendomu.
15. Ukulingana na mashiwi ya kwa Yesu ayalembwa pali Mateo 5:24, cinshi mufwile ukucita nga mwayumfwe fyo namukalifya kapepa munenu? [g96 2/8 amabu. 14,15]