Bomfyeni Icitabo ca Pepeni Lesa ku Kutungulula Amasambililo ya Baibolo
Icitabo ca Pepeni Lesa Wine Wine Eka capangilwa ku kwafwa abapya ukulunduluka mu cine no kulenga ukutesekesha kwabo kuli Yehova no kuteyanya kwakwe ukushikilako. Kuti cabomfiwa ku kutungulula amasambililo ku basambi ba Baibolo nge citabo ca bubili ica kusambililamo. Ubutumikishi Bwesu Ubwa Bufumu ubwa mu June 2000, pe bula 4, bwalondolwele ati: “Nga nacimoneka ukuti uyo muntu alelunduluka, nangu ca kuti alelunduluka panono panono, no kuti aleya aletesekesha ifyo alesambilila, lyene twalilileni isambililo lya Baibolo mu citabo ca cibili pa numa ya kupwisha broshuwa wa Cintu Lesa Afwaya ne citabo ca Ukwishiba. . . . Mulingile lyonse ukutampila ukutungulula isambililo muli broshuwa wa Cintu Lesa Afwaya ne citabo ca Ukwishiba. Isambililo lya Baibolo, ukubwelelamo kwacitwa, ne nshita yabomfiwa mu kusambilila filingilwe ukupendwa kabili mulingile ukulemba lipoti, nangu ca kuti umusambi abatishiwa ilyo ashilapwa icitabo ca bubili.”
Ni bani bambi abenganonkelamo mu kusambilila Baibolo mu citabo ca Pepeni Lesa? Cilya cipande cimo cine cikonkanyapo no kuti: “Nga mwalishibako bamo abalesambilila kale [muli broshuwa wa Cintu Lesa Afwaya na] mu citabo ca Ukwishiba lelo tabaalundulwike ukufika ku kuipeela no lubatisho, pambi kuti mwafwaya ukulanshanya na bo ukumona nga kuti batemwa ukubukulula isambililo lya Baibolo.” Natubombeshe na maka sana ukutampa amasambililo mu citabo ca Pepeni Lesa na bantu ba musango yo mu March na mu April.