Ukubilisha

◼ Impapulo sha kutambika mu May: Tambikeni Ulupungu lwa kwa Kalinda na Loleni! Ilyo mulebwelela ku balefwaya ukusambilila, abengaba napamo pali balya basangilwe ku Cibukisho nelyo ku milimo imbi iya Bufumu kumbi lelo abashibishanya sana ne cilonganino, pooseni amano ku kushalika icitabo cipya ica Pepeni Lesa Wine Wine Eka. Bombesheni na maka ku kutendeka isambililo lya Baibolo ilya pa ng’anda, maka maka nga ca kuti bamo balisambilila kale kale icitabo ca Ukwishiba na broshuwa wa Cintu Lesa Afwaya. June: Tambikeni icitabo ca Ukwishiba nelyo broshuwa wa Cintu Lesa Afwaya. Nga ca kuti abene mayanda balikwata ishi mpapulo, bomfyeni broshuwa umbi uulingile uo icilonganino cikwete. July na August: Broshuwa uuli onse uwa mabula 32 pali aba kuti abomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi? Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Ipakishe Ubumi pe Sonde Kuli Pe na Pe!, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, na “Moneni! Ifintu Fyonse Nafilenge Fipya.”

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa June 1 nelyo mu kwangufyanya pa numa. Ilyo ici cacitwa, bilisheni ku cilonganino pa numa ya kubelenga lipoti wa ndalama uukonkelepo.