Ukubilisha

◼ Ulupapulo lwa kutambika mu August: Broshuwa uuli onse uwa mabula 32 pali aba kuti abomfiwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi?—Ni Shani Fintu Wingaisanga?, Cinshi Cicitika Nga Twafwa?, Ilyo Untu Watemwa Afwa, Imipashi ya Bafwa—Bushe Kuti Yakwafwa Nelyo Ukukucena? Bushe mu Cituntulu Eko Yaba?, Ipakishe Ubumi pe Sonde Kuli Pe na Pe!, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Kuti Mwaba Cibusa wa kwa Lesa!, na “Moneni! Ifintu Fyonse Nafilenge Fipya.” September: Tambikeni ifitabo fya kale ifyo icilonganino cikwete. October: Ulupungu lwa kwa Kalinda na Loleni! Apo mwasanga abalesekelela, batambikeni broshuwa ya Cintu Lesa Afwaya, no kwesha na maka ukutendeka amasambililo ya Baibolo. November: Tambikeni icitabo ca Ukwishiba nelyo broshuwa wa Cintu Lesa Afwaya. Nga ca kuti abene mayanda balikwata kale ishi mpapulo, tambikeni icitabo ca Pepeni Lesa nelyo ulupapulo lumbi ulwa kale.

◼ Ukutampa umulungu wa October 20, 2003, tukalasambilila icitabo ca Pepeni Lesa Wine Wine Eka pe Sambililo lya Citabo pa Cilonganino.

◼ Kangalila wa kutangilila nelyo umbi uwasontwa na wene afwile ukupenduluka muli akaunti wa cilonganino pa September 1 nelyo mu kwangufyanya pa numa ya ubu bushiku. Ici nga cacitwa, bilisheni ku cilonganino pa numa ya kubelenga lipoti wa ndalama uukakonkapo.

◼ Ukupenduluka kwa pa mwaka ukwa mpapulo shonse na bamagazini mukwete kufwile ukubako pa August 31, 2003 nelyo pa bushiku bumbi ubupalemeko sana. Uku kupenda kwalipalana na kulya ukwa cila mweshi ukubako lilya kampanya apenda ifitabo fyonse ifilipo pa mpela ya cila mweshi, kabili ifitabo fyonse ifilipo fifwile ukulembwa pali formu wa Ukupenda Ifitabo (S-18). Ipusheni ababombela kuli bamagazini mu cilonganino cimo na cimo bamwebe impendwa ya bamagazini balipo. Kalemba wa mu cilonganino icileampanya afwile ukwangalila uku kupenda. Kangalila wa kutangilila na kalemba aba mu cilonganino icileampanya bakasaina uyu formu. Icilonganino cimo na cimo icileampanya cikapokelela amaformu yatatu aya Ukupenda Ifitabo (S-18). Mukwai tumeni formu wa kubalilapo kwi ofeshi lya musambo ilyo September 6 ishilafika. Sungeni formu wa bubili mu mafaelo yenu. Formu wa butatu nalimo kuti abomfiwa ku kulembapo pa kupenda.

◼ Ifilonganino filingile ukutampa ukuorda Kalenda wa Nte sha kwa Yehova uwa mu 2004, (akabako mu Chichewa, mu Cibemba, ne ciNgeleshi) Ukubebeta Amalembo Cila bushiku—2004, (kakabako mu Chichewa, mu Chitonga, mu Cibemba, mu ciKaonde, mu ciLozi, mu ciLubale, na mu ciSwahili) na 2004 Yearbook of Jehovah’s Witnesses (yaba mu ciNgeleshi epela) ilyo bakatuma orda wa mpapulo uukonkelepo.