Ukupitulukamo Kwe Sukulu Lya Butumikishi Ilya Bulesa
Ifipusho fyakonkapo fikapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa October 27, 2003. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa September 1 ukufika October 27, 2003. [Icishibisho: Apashili ica kuloshako, mufwile ukuisapikila pa kusanga ifyasuko.—Moneni icitabo ca Isukulu lya Butumikishi, amabu. 36-7.]
IMILANDILE
1. Bushe ukufunda kwaba pali 1 Timote 2:9 ukwa kuti umo alingile ukufwala “ukuyene” kwalola mwi, kabili ici kuti cakuma shani ifyo tulelanda pa cisebele nelyo mu butumikishi bwa mwi bala? [be ibu. 132 amapara. 4-5]
2. Ni shani fintu ifishinte fya mu Baibolo ifyaba pali 1 Yohane 2:15-17, Abena Efese 2:2, na Abena Roma 15:3 fikuma imimonekele yesu? [be ibu. 133 amapara. 2-4]
3. Mulandu nshi ukuilama kwacindamina, kabili ni shani fintu umo engailama ilyo alelanda pa cisebele nelyo mu butumikishi? [be ibu. 135 umukululo; ibu. 136 para. 5, umukululo]
4. Apo Yesu ali ni ‘nte ya cishinka kabili iya cine,’ ni shani fintu atushilile ica kumwenako ca kubomfya Baibolo mu butumikishi? (Ukus. 3:14) [be ibu. 143 amapara. 2-3]
5. Bushe kuti twafikapo shani mu kubomfya Baibolo? (Tito 1:9) [be ibu. 144 para. 1, umukululo]
ILYASHI NA. 1
6. Finshi fyasanshiwa mu kusambilila, kabili fisuma nshi fifuma mu kusambilila lyonse Icebo ca kwa Lesa? [be ibu. 27 para. 3; ibu. 32 para. 4]
7. Ukulingana na Yakobo 1:5, 6, cinshi cikabilwa ilyo twalolenkana ne ca kupingulapo cacindama? [w01 9/1 ibu. 28 para. 4]
8. Bushe inshiku shalumbuka ni nshiku nshi, kabili mulandu nshi shacindamina? [si ibu. 282 para. 27]
9. Ni mu nshila nshi “ulefumyo lwambo” abela muwelewele? (Amapi. 10:18) [w01 9/15 ibu. 25 para. 3]
10. Bushe abantu bakatesekesha shani ifyo Yehova amona inshita mu calo cipya? [si ibu. 283 para. 32]
UKUBELENGA BAIBOLO UKWA CILA MULUNGU
11. Cine nelyo Bufi: Pali 1 Abena Korinti 2:9, umutumwa Paulo alanda pa fintu ifyo Yehova ateyanishisha abantu bakwe aba bucishinka nge cikwatwa. Londololeni. [ip-2 ibu. 366 umukululo]
12. Matunko ya musango nshi amashiwi yaba pa 1 Abena Korinti 10:13 yalandapo, kabili ni shani fintu Yehova “akacita na pa kufuminamo”? [w91 10/1 amabu. 10-11 amapara. 11-14]
13. Bushe ica kumwenako ca kwa Yesu ica bukapekape cakuma shani Abena Kristu? (2 Kor. 8:9) [w92 1/15 ibu. 16 para. 10]
14. Ni shani fintu Amafunde yali ‘kafundisha ukutungulula kuli Kristu’? (Gal. 3:24) [w02 6/1 ibu. 15 para. 11]
15. Bushe “ifintu fya fye ifya pano calo” ifyo tulingile ukuibakako pa kuti twilufiwa ni finshi? (Kol. 2:8)