Icipya Ica Kutwafwa Ukutaluka ku Mulopa

Ibumba Litungulula nalipekanya kardi ya mwi funde iipya iileitwa ati UWA KUNJIMININAKO KULI BADOKOTA. Pali iyi kardi pali ifyebo na fimbi ifingatucingilila pa kuti ifyo twasumina pa mulopa fyakonkwa bwino sana.

Tatwakulalemba cila mwaka iyi kardi ileitwa ati UWA KUNJIMININAKO, kabili iyi kardi ya kulalangilila ifyo mulefwaya ukundapwa muno Zambia na lintu mwaya ku fyalo fimbi. Ilyo cikalakabilwa fye ukuti mulembe kardi imbi iileti UWA KUNJIMININAKO, ni lintu (1) mulefwaya ukwalulako fimo pali uyu kardi, tutile mulefwaya ukwalula ifyo mulefwaya ukundapwa, aba kumwimininako, adresi, inambala ya foni, nelyo (2) kardi yenu nga yaluba atemwa yaonaika.

Mufwile ukutontonkanyapo sana no kupepelapo pali iyi kardi ileitwa UWA KUNJIMININAKO kabili mufwile ukuyailembela ku ng’anda mu mutima nteka. Nomba, ilyo tamulasaina pali kardi, mufwile mwakonka sana ifili pali kardi. Ku ca kumwenako, nga ca kutila pali kardi yenu pafwile ukuba bakamboni babili abafwile ukumona uko mulesaina, ninshi bafwile ukubapo ilyo mulesaina. Bakangalila ba masambililo ya fitabo kuti baleipusha mu nshita mu nshita pa kuti baleishiba abashalemba amakardi no kubafwilisha.

Ilyo tamulapeta uyu kardi, mufwile ukupanga amafotokopi aya kupeela abantu babili aba kumwimininako, na imo iya kupeela dokota na kope imbi iya kuisungila mwe bene. Nakalimo kuti mwapeelako na balupwa lwenu e lyo na kalemba wa cilonganino. Kardi ya UWA KUNJIMININAKO ifwile ukukopelwa ku lubali fye lumo ulwe pepala (A4), kabili ifwile ukuba pa kati ke pepala ilyo mulepanga amakope. Kardi ya UWA KUNJIMININAKO iyo mukapeelwa, te fotokopi iyo, e yo mufwile ukulaenda na yo lyonse.

Identity Card iyalembwapo ukuti 3/99 iya kupeela abana ba baNte yena tayalwike. Abafyashi bafwile ukushininkisha ukuti kardi ya mwana umo na umo nailembwapo bwino bwino e lyo kabili naisainwa, no kuti umwana aleisenda ilyo alekabila ukuisenda.

Bakasabankanya abashilabatishiwa kuti bakopako fimo fimo ifyalembwa pali kardi ileitwa UWA KUNJIMININAKO ne fyalembwa pali Identity Card pa kuti bailembele abene ifyo bengafwaya ukundapwa na bana babo. Kalemba afwile ukupeela kardi ileitwa UWA KUNJIMININAKO kuli kasabankanya onse uwabatishiwa mu kati ka mwaka.