Ukupitulukamo Kwe Sukulu Lya Butumikishi Ilya Bulesa
Ifipusho fyakonkapo fikapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa April 26, 2004. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa March 1 ukufika April 26, 2004. [Icishibisho: Apashili ica kuloshako, mufwile ukuisapikila pa kusanga ifyasuko.—Moneni icitabo ca Isukulu lya Butumikishi, amabu. 36-7.]
IMILANDILE
1. Mulandu nshi cawamina ukubomfesha autulaini pa kulanda ilyashi ukucila ukulemba no kubelenga amashiwi fye yonse? [be ibu. 166 para. 3]
2. Bushe kuti twateyanya shani bwino autulaini wa mu mutwe pa kupekanishisha umulimo wa mwi bala? [be ibu. 167 para. 3]
3. Bomfyeni Imilimo 13:16-41 na Imilimo 17:2, 3, ukulondolola ifyo Paulo ‘ashinine bwino ukuti Yesu e Kristu.’ (Imil. 9:22) [be ibu. 170 para. 2]
4. Busuma nshi bumo bumo ubwaba mu kulanda ilyashi ukwabula ukufindamina pali autulaini? [be ibu. 175 amapara. 1-4]
5. Mafya nshi yengafuma mu kulanda ukwabulo kufindamina pali autulaini, kabili bushe kuti twasengauka shani aya mafya? [be ibu. 176 para. 1 ukufika ku para. 4]
ILYASHI NA. 1
6. Ukulingana ne fyalembwa pa Ukutendeka 32:24-32, cinshi Yakobo acitile ilyo aali ne myaka 97 pa kuti apaalwe kuli Yehova, kabili cinshi ici citusambilisha? [w02 8/1 amabu. 29-31]
7. Bushe “ukupanga” cinshi, kabili kuti kwatucingilila shani ukukanaba abashashikatala no kuculila apa fye? (Amap. 1:4) [w02 8/15 amabu. 21-2]
8. Ni shani bakalanda wa malyashi ya ku cintubwingi bengalenga Amalembo ukuba intulo ya malyashi balanda? [be ibu. 52 para. 6–ibu. 53 para. 5]
9. Cinshi kalanda alingile ukucita pa kuti ilyashi lilembelwe nga autulaini libe ubulondoloshi bwa kunonsha ubwa Malembo? [be ibu. 54 amapara. 2-4]
10. Mulandu nshi Yehova aliishishe abena Israele mana cila mulungu, cila mweshi, mu matololo, kabili cinshi twingasambilila kuli ci? (Amala. 8:16) [w02 9/1 ibu. 30 amapara. 3-4]
UKUBELENGA BAIBOLO UKWA CILA MULUNGU
11. Ukulingana na Ukutendeka 37:12-17, kupalana nshi kwaba pa micitile ya kwa Yosefe ne ya kwa Yesu? [w87 5/1 ibu. 12 para. 12]
12. Ukulingana na Ukutendeka 42:25-35, bushe Yosefe alangile shani inkumbu shapala isha kwa Yesu? [w87 5/1 ibu. 18 para. 10; ibu. 19, para. 17]
13. Bushe ukupekanya kwe bumba lya musha mu kasuba kesu kwapalana shani no kwakanya ifya kulya ukwacitike mu nshiku sha kwa Yosefe? (Ukute. 47:21-25)
14. Bushe cinshi Yehova aalesokolola pa lwe shina lyakwe pa kulanda ati, “Naba uuntu Naba”? (Ukufu. 3:14, 15)
15. Bushe bubi nshi bubili ubwaba mu kuilishanya ubwalembwa pa Ukufuma 16:2, 3? [w93 3/15 amabu. 20-1]