Ukubilisha

◼ Impapulo sha kushalika mu May: Shalikeni bamagazini ba Ulupungu lwa kwa Kalinda na Loleni! Ilyo mulebwelela ku balefwaya ukusambilila, apengaba na basangilwe ku Cibukisho nangu ukulongana kumbi ukwa cilonganino lelo abashaishiba sana ukuteyanya ifyo kwaba, bashalikileni icitabo ca Pepeni Lesa. Bombesheni ku kutampa amasambililo ya Baibolo, sana sana nga bamo balisambililako kale icitabo ca Ukwishiba na broshuwa wa Cintu Lesa Afwaya. June: Sambilila Kuli Kasambilisha Mukalamba. Nga batila tabakwata abana, shalikeni broshuwa wa Cintu Lesa Afwaya. Ilyo muleshalika broshuwa, angweni ku kutampa amasambililo ya Baibolo aya mu ng’anda. July na August: Broshuwa onse uwa mabula 32 pali aya kuti abomfiwa: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Kuti Mwaba Cibusa wa kwa Lesa!, Cinshi Cicitika Nga Twafwa?, Cinshi Caba Imifwaile ya Bumi?—Ni Shani Fintu Wingaisanga?, Ilyo Untu Watemwa Afwa, A Satisfying Life—How to Attain It, ne ya kuti Inshila ya ku Mweo wa Muyayaya—Bushe Mwaliisanga?

◼ Kangalila wa kutangilila nangu umbi uo akasonta afwile ukupituluka mu ma-akaunti ya cilonganino pa 1 June nelyo pa numa fye ya ubo bushiku. Nga mwapitulukamo, bilisheni ku cilonganino pamo na lipoti wa ndalama ukonkelepo.

◼ Imisangulo basaangula pa kulongana kwa muputule, pa ukulongana kwaibela na pa kulongana kwa citungu nangu fye ni ilya babika mu tubokoshi twa misangulo pa Mayanda ya Bufumu iya kwafwilisha umulimo wa mwi sonde lyonse nelyo ya kwafwilisha ubukuule bwa Mayanda ya Bufumu kuti cawamisha nga ileba mu ndalama sha mu calo cesu kabili ukusangula ukwabulo kubomfya cheke. Ilyo mushilasangula ukubomfya cheke taleni ipusheni pa kuti mushininkishe nga kuti mwasangula ukubomfya cheke. Abo mufwile ukwipusha ni bakalemba wa pa filonganino, kangalila wa kulongana nelyo kangalila wa kulongana kwa citungu. Nga muletuma imisangulo ukubomfya cheke kwi ofeshi lya musambo, mufwile ukutuma imisangulo ku “Watch Tower.” Akeyala ka musambo ni Watch Tower Society, Box 33459 Lusaka 10101.

◼ Impapulo shipya ishilipo nishi:

Bushe Mwalikwata Umupashi Uushifwa? (Trakiti Na. 25)—muli ciKaonde

Bushe Kuti Mwafwaya Ukwishibilapo na Fimbi Pali Baibolo? (Trakiti Na. 26)—muli ciKaonde