Ukubilisha

◼ Impapulo sha kutambika pa October 1-17: Bamagazini ba Ulupungu lwa kwa Kalinda na Loleni! Nga umuntu afwaya ukwishibilapo na fimbi, lyene shalikeni broshuwa wa Cintu Lesa Afwaya, kabili bweleleniko no buyo bwa kutampa isambililo lya Baibolo. October 18–November 14: Kukaba kampeni waibela uwa kwananya broshuwa mupya. November 15-30: Shalikeni icitabo ca Sambilila Kuli Kasambilisha Mukalamba. Nga abantu batila tabakwata abana, bashalikileni broshuwa wa Cintu Lesa Afwaya. Poseni amano kuli broshuwa pa kuti mutampe amasambililo ya Baibolo aya mu ng’anda. December: Shalikeni icitabo ca Umuntu Wakulisha Uwabalile Abako Uwa Mweo. Nelyo pambi kuti mwashalika ifi fitabo: Baibolo—Cebo ca kwa Lesa Nelyo ca Muntu?, atemwa Icitabo Candi ca Malyashi ya mu Baibolo. January: Icitabo icili conse ica mabula 192 icapulintilwe pa mapepala ayacucuka nelyo ayabutuluka atemwa conse icasabankanishiwe pa ntanshi ya 1990. Nelyo pambi kuti mwashalika icitabo ca Ukusapika Lesa Ukwa Mutundu wa Muntu. Nga tamukwete ifi fitabo fyonse, mukwai ipusheni ifilonganino fya mupepi epali bena nabakwata ifi fitabo fya kale ifyo mwingabomfya.

◼ “Ukutantika Isukulu lya Butumikishi Ilya Bulesa Ilya 2005” e ca mu kati ica buno Ubutumikishi Bwesu Ubwa Bufumu kabili cifwile ukusungwa pa kuti mukaleloshako umwaka onse uwa 2005.

◼ Iofesi lya Nte sha kwa Yehova talibombela pa maorda ya mpapulo sha muntu umo umo. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino cishicilatuma orda wa mpapulo uwa cila mweshi ku ofesi pa kuti bonse abalefwaya ukupokako impapulo balembeshe kuli munyina abombela ku mpapulo. Kuti cawama ukulaibukisha impapulo shiordwa mu kuibela.

◼ Nga ca kutila mukaalula inshita mulongana pa January 1, kalemba wa cilonganino afwile ukwishibisha iofesi lya musambo pali uku kwaluka ukubomfya formu wa Congregation Meeting Information (S-5).

◼ Impapulo Shipya Ishilipo:

Pepeni Lesa Wine Wine Eka—Ifilembo ifikulu—Icibemba

◼ Ama Compact Disc Ayalipo:

Palameni Kuli Yehova—IciNgeleshi