Ukupitulukamo Kwe Sukulu Lya Butumikishi Ilya Bulesa

Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa April 25, 2005. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa March 7 ukufika April 25, 2005. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Nonkelenimo, amabu. 36-7.]

UKUFUNDA PA MILANDILE

1. Ilyo tulepekanya ilyashi, tubomfya shani ifyebo tupeelwe, kabili mulandu nshi cacindamina? [be ibu. 234 para. 1-3, utubokoshi]

2. Bushe ifyebo tulelanda mu lyashi filingile ukufula shani? [be ibu. 234 para. 4–235 para. 1]

3. Ni nshila nshi twingepushishamo ifipusho pa kuti tulanshanye mu mulimo wa mwi bala? (Imil. 8:30) [be ibu. 236 para. 2-5]

4. Ni nshila nshi twingepushishamo pa kwafwilisha abasambi ba Baibolo ukubomfya ‘amaka yabo aya kupelulula?’ (Rom. 12:1) [be ibu. 238 para. 2]

5. Bushe ukwipusha amepusho nga filya yaba mu Abena Roma 8:31, 32, na muli Esaya 14:27, kuti kwalenga ifyo tulelanda ukuba shani? [be ibu. 239 amapara. 1-2]

ILYASHI NA. 1

6. Kuti twacita shani ‘Kristu ica kukuulapo’ mu mulimo wesu uwa kupanga abasambi? (1 Kor. 3:11) [be ibu. 278 amapara. 1-2]

7. Apo Yehova alipeele amaka ya kuteka ku Mwana wakwe mu 1914, cinshi tupepala atuti, “Ubufumu bwenu bwise”? Mat. 6:9, 10) [be ibu. 279 para. 4]

8. Mulandu nshi Abena Kristu bonse balingile ukutemenwa ukubelenga, kabinge Yesu atulangile shani fya kucita? [w 03 3/15 ibu. 10 para. 5; ibu. 12 para. 2]

9. Bushe ifyali Yoshia na Yesu kuti fyayafwilisha shani abaice ukulunduluka mu Bwina Kristu bwabo? [w03 4/1 ibu. 8 amapara. 3-4; ibu. 10 para. 3]

10. Cinshi cingatulenga ukucetekela Lesa? (Amapi. 3:5, 6) [w03 11/1 ibu. 4 amapara. 6-7]

UKUBELENGA BAIBOLO UKWA CILA MULUNGU

11. Cinshi Hana apepeele ukuti Yehova ‘apeele ubukose ku mfumu yakwe,’ ilyo pali ilya nshita takwali imfumu ya buntunse mu Israele? (1 Sam. 2:10)

12. Cinshi twingasambilila kuli filya abena Israele babacimfishe nangu ca kuti balikwete icipao ca cipingo mu kati kabo? (1 Sam. 4:3, 4, 10)

13. Mulandu nshi 1 Imilandu 2:13-15 isosela ukuti Davidi mwana walenga cinelubali (7) uwa kwa Yese, ilyo 1 Samwele 16:10, 11 ilango kuti mwana walenga cinekonsekonse (8)?

14. ‘Mupashi nshi ubi’ wawilile pali Shauli? (1 Sam. 16:14)

15. Bushe ifyasosele icimupashi ca ku En-dore icalemoneka nga Samwele ukupitila mu ng’anga fyali fya cine cine? (1 Sam. 28:16-19)