Ukubilisha

◼ Impapulo sha kushalika mu August: Broshuwa onse uwa mabula 32 pali aya kuti ashalikwa: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, “Moneni! Ifintu Fyonse Nafilenge Fipya,” Imipashi ya Bafwa​—⁠Bushe Kuti Yakwafwa Nelyo Ukukucena? Bushe mu Cituntulu Eko Yaba?, Kamfulumende Iikaleta Paradise, Kuti Mwaba Cibusa wa kwa Lesa!, Cinshi Cicitika Nga Twafwa?, Cinshi Caba Imifwaile ya Bumi?​—Ni Shani Fintu Wingaisanga?, Ilyo Untu Watemwa Afwa, na Bushe Mwalisanga Inshila Iitwala ku Mweo wa Muyayaya? September: icitabo ca Is There A Creator Who Cares About You? Nga tamukwete ici citabo kuti mwashalika icitabo ca Life—How Did It Get Here? By Evolution or by Creation? (icikalamba nelyo icinono). Nga ca kutila icilonganino nacikwata ifitabo fya kale ifyatuulama, e fyo bengashalika nga tabakwete ifi. Nga ca kutila abene ba mayanda tabalefwaya ici citabo, shalikeni broshuwa wa Mulelola! October: Shalikeni bamagazini ba Ulupungu lwa kwa Kalinda na Loleni! Nga umuntu asekelela, kuti mwashalika broshuwa wa Cintu Lesa Afwaya. November: Tambikeni icitabo ca Sambilila Kuli Kasambilisha Mukalamba. Nga ca kuti umwine wa ng’anda atila nshakwata bana shalikeni icitabo ca Ukwishiba nelyo trakiti ya Bushe Kuti Mwatemwa Ukwishibilapo na Fimbi Pali Baibolo?

◼ Apo mu mweshi wa October mukaba ifibelushi fisano ne nshiku sha mulungu shisano, ukaba mweshi uusuma sana ukubombamo bupainiya bwa kwafwilisha.

◼ Kangalila wa kutangilila nelyo umbi uo akasala afwile ukupenduluka muli akaunti wa cilonganino pa September 1 nelyo mu kwangufyanya pa numa ya ubu bushiku. Nga ca kuti mwalikwata indalama sha kuwamisha ifintu pa Ng’anda ya Bufumu nelyo ishibomfiwa ku makuule isho mwasunga sheka, na sho shine mufwile mwashipitulukamo. Ilyo mwapwisha ukupituluka muli shonse, bilishisheni pamo na lipoti wa ndalama uukakonkapo ku cilonganino.

◼ Kalemba wa cilonganino akapekanya bwino bwino lipoti wa mulimo no kulemba ifyo fyebo pali Lipoti wa Kubebeta Icilonganino (S-10). Afwile no kulondolola bwino bwino ifya kucita kuli eluda nelyo umubomfi utumikila uukalamwafwa ukupekanya lipoti. Nga abalondolwela bwino bwino ninshi ifyebo bakakopolola pa Icalembwa ca Bukasabankanya Ica Cilonganino (S- 21) fikalungama. Lipoti wa Kubebeta Icilonganino (S-10) afwile ukulungama no kulembwa busaka busaka kabili afwile ukubebetwa na Komiti wa Mulimo pa Cilonganino ilyo talatumwa. Cimbi ico tulefwaya mwishibe ca kutila ubushiku bwa kulekelesha ubo uyu lipoti ikafwaikwa ukufika kwi ofesi lya musambo, ni September 10, 2005.

◼ Ukupenda impapulo shonse na bamagazini mukwete ukwa cila mwaka kufwile ukubako pa August 31, 2005 nelyo pa bushiku bumbi ubupalemeko sana. Uku kupenda kwalipalana na kulya ukwa cila mweshi ukubako lilya kampanya apenda ifitabo fyonse ifilipo, kabili ifitabo fyonse ifilipo fifwile ukulembwa pali formu wa Ukupenda Ifitabo (S-18). Ipusheni ababombela kuli bamagazini mu cilonganino cimo na cimo bamwebe impendwa ya bamagazini balipo. Kalemba wa mu cilonganino icileampanya afwile ukulolekesha pali uku kupenda. Kangalila wa kutangilila na kalemba aba mu cilonganino icileampanya bakasaina uyu formu. Icilonganino cimo na cimo icileampanya cikapokelela amaformu yatatu aya Ukupenda Ifitabo (S-18). Mukwai tumeni formu wa kubalilapo kwi ofesi lya musambo ilyo September 6 ishilafika. Sungeni formu wa bubili mu mafaelo yenu.

◼ Pa kuorda kukonkelepo, ifilonganino filingile ukutendeka ukuorda Kalenda wa Nte sha kwa Yehova uwa mu 2006, (uukaba mu ciChewa, Icibemba, ne ciNgeleshi) Ukubebeta Amalembo Cila Bushiku—2006, (mu ciChewa, iciTonga, Icibemba, IciNgeleshi, ciKaonde, iciLubale, iciLozi, ne ciSwahili) na 2006 Yearbook of Jehovah’s Witnesses (mu ciNgeleshi epela) pamo no lupapulo luleti Umulimo wa Nte sha kwa Yehova mu Zambia (ici, cipande icifumine muli 2006 Yearbook icilandile pa mulimo mu Zambia) (ulukabako mu ciChewa, Icibemba, na mu ciLozi).

◼ Mukwai nomba ifilonganino tafilekabila ukulabwesha ifibokoshi ifyo iofesi lya musambo libatuminamo impapulo. Mukwai kuti mwafipoosa fye.