Ukubilisha

◼ Impapulo sha kutambika mu September, October, na November: Ni shilya shali mu Ubutumikishi Bwesu Ubwa Bufumu ubwa August 2005. December: Shalikeni icitabo ca Umuntu Wakulisha Uwabalile Abako Uwa Mweo. Nga te ifyo kuti mwashalika ifitabo pamo nga Baibolo–Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, nelyo Kuti Waikala Kuli Pe na pe muli Paradise Pe Sonde, nga ca kuti na mukwata pa cilonganino.

◼ Ba eluda balecinkulwako ukutwalilila ukukonka ifyo baebwa ukucita mu Ulupungu lwa kwa Kalinda ulwa April 15, 1991 amabu. 21-23, ukukuma ku bantu abatamfiwa nelyo abaifumya mu cilonganino abengafwaya ukubweshiwa.

◼ Ifilonganino fifwile ukutendeka ukuorda Ilembo lya Mwaka wa 2006. Ilembo lya mwaka likaba mu Chichewa, iChitonga, iCibemba, iciNgeleshi, iciLozi, ne ciSwahili. Umutengo ni K3,000.00 cimo kabili mufwile ukuorda no kulipilila pali formu wa S-20, lembenipo bwino bwino ukuti “ILEMBO LYA MWAKA” kabili langilileni ululimi mulefwaya. MWI ORDELA PALI S-14. Ifilonganino kuti fyaorda fye ilembo lya mwaka limo mu lulimi lumo. Ifilonganino fifwile ukubika ilembo lya mwaka pa January 1, 2006.

◼ Waini wa Cibukisho: Ifilonganino ifyabela mu mishi kuti fyaorda waini nomba line. Tumeni Formu Wa Kutuminapo Imisangulo (S-20) yeka pamo pene ne ndalama. Lembeni bwino bwino ukuti musangulo “WA WAINI.” MWITUMA kalata nelyo Formu wa kwipushishapo ifitabo uwa (S-14), lelo tumeni fye S-20. Nga tamulipile tabakamutumine waini. Umutengo wa waini ni K10,000.00 akabotolo akanono. Ubushiku bwakulekelesha ukupoka amaorda ni pa December 31, 2005. Waini akatumwa mu February 2006.

◼ Mu mwaka wa mulimo uwa 2006, bonse abakalabombako bupainiya bwa kwafwilisha mu mweshi uo kangalila wa muputule akatandalila icilonganino bakasuminishiwa ukusangwa ku ciputulwa ca kubalilapo ica kukumana kwa kwa kangalila wa muputule na bapainiya wa nshita yonse ukubako mu mulungu waibela. Bonse abengakumamo ukusangwako, balekoseleshiwa ukucite fyo pa kuti bakanonkelemo muli kulya kukumana kwaibela.