Ukubilisha

◼Impapulo sha kushalika mu November: Sambilila Kuli Kasambilisha Mukalamba. Abene ba mayanda nga batila tabakwata bana, batambikeni icitabo ca Ukwishiba nelyo trakiti wa Bushe Kuti Mwatemwa Ukwishiba Na Fimbi Pali Baibolo? December: Shalikeni icitabo ca Umuntu Wakulisha Uwabalile Abako Uwa Mweo. Nangu kuti mwashalika ifitabo fimbi pamo nga Baibolo-Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, nelyo Kuti Waikala Kuli Pe na pe Muli Paradaise Pe Sonde nga ca kutila icilonganino nacikwata. January: Shalikeni icitabo icili conse ica mabula 192 icapulintwa pa mapepala ayacucuka nelyo icili conse icapulintilwe ilyo umwaka wa 1991 ushilafika. Ifilonganino ifikwete icitabo ca Ukusapika Lesa Ukwa Mutundu wa Muntu kuti fyashalika ne ci cine citabo. Nga ca kutila abene ba mayanda tabalefwaya ici citabo, batambikeni broshuwa wa Mulelola! February: Tukalatambika icitabo ca Palameni Kuli Yehova. Ifilonganino ifishikwete ici citabo kuti fyashalika icitabo ca Ukusokolola nelyo ifitabo fimbi ifituuleme pa cilonganino.

◼ Ukutendeka pa April 17, 2006, pe Sambililo lya Citabo Ilya pa Cilonganino, tukalasambilila icitabo ca Bushe Cinshi Baibolo Isambilisha? Pali iyo nshita, ifilonganino fifwile ukukwata ifi fitabo ifyakumanina pamo ne fya mu filembo ifikulu.

◼ Kangalila wa kutangilila nelyo umbi uo asala afwile ukupituluka mu ndalama sha cilonganino pa December 1 nelyo pa numa fye ya ubo bushiku. Nga ca kutila indalama shibomfiwa ku fintu pamo nga ifya kulungishalungisha no kuwamya nelyo amakuule, mushisunga sheka, na sho mufwile ukushipitulukamo. Nga mwapitulukamo, mufwile ukubilisha ku cilonganino muli lipoti wa ndalama uukakonkapo.

◼ Indalama shisangulwa pa kulongana kwa muputule, ukulongana kwaibela no kwa citungu e lyo ne shipooswa mu tubokoshi pa Ng’anda ya Bufumu isha kwafwilisha umulimo wa mwi sonde lyonse pamo ne sha Mayanda ya Bufumu, shifwile ukuba mu maKwacha. Ilyo mushilasangula indalama ukubomfya cheke, ipusheni kalemba pa cilonganino, kangalila wa kulongana kukalamba nelyo kangalila wa kulongana kwa citungu nga kuti caba fye bwino ukubomfya cheke ne fyo cheke ingatumwa. Cheke wa ndalama shisangulwa isha kutuma kwi ofesi lya musambo afwile ukulembwapo ukuti apeelwe ku “Watch Tower.” Akeyala ke ofesi lya musambo ni Watch Tower Society, Box 33459, Lusaka 10101.

◼ Mu Kulongana kwa Mulimo mu January, kukaba ukulanda pali vidio ilanda pa kundapwa ukwabulo kubikwamo mulopa iitila Transfusion-Alternative Health Care—Meeting Patient Needs and Rights. Ifilonganino fishikwete kuti fyaordako mu kwangufyanya.