Ukubilisha

◼ Ulupapulo lwa kutambika mu February: Tukalatambika icitabo ca Palameni Kuli Yehova. Ifilonganino fishikwete ici citabo kuti bashalika icitabo ca Ukusokolola nelyo ifitabo fimbi ifya kale ififulile sana pa cilonganino. March: Tambikeni icitabo cipya ica Bushe Cinshi Baibolo Isambilisha? Esheni na maka ukutendeka amasambililo ya Baibolo. April na May: Shalikeni bamagazini ba Ulupungu lwa kwa Kalinda na Loleni! Nga mwabwelela ku bantu abalesekelela, e lyo na ku basangilwe ku Cibukisho nelyo abasangwa ku kulongana kumbi ukwa cilonganino lelo abashilakosa ukulongana, mulebika sana amano ku kubatambika icitabo cipya ica Bushe Cinshi Baibolo Isambilisha? Ico tukalashalikila ici citabo, kufwaya ukutendeka amasambililo ya Baibolo muli ici cine citabo.

◼ Apo umweshi wa April ukwete ifibelushi fisano ne nshiku sha mulungu shisano, kuti cawama ukubombamo bupainiya bwa kwafwilisha.

◼ Ilyashi lya cintubwingi ilibako pa numa ya Cibukisho mu 2006 likakwata umutwe wa kuti “Bushe Lesa Acili Alatutungulula?” Moneni ukubilisha kwapala uku mu Ubutumikishi Bwesu Ubwa Bufumu ubwa October 2005.

◼ Icipande cili pe bula 6 icikwete umutwe uleti “Ipakisheni Ukusambilila mu Citabo ca Bushe Cinshi Baibolo Isambilisha?” cikasambililwa mu mulungu wa April 3 mu Kulongana kwa Mulimo. Sungeni bwino ici cipande pamo no kutantika kwe sambililo lya citabo.

◼ Kangalila wa kutangilila nelyo umbi uo asala afwile ukupituluka mu ndalama sha cilonganino pa March 1 nelyo pa numa fye ya ubo bushiku. Nga ca kutila mwalikwata indalama ku banki isho mubomfya ku fintu pamo nga ifya kulungishalungisha no kuwamya nelyo isha makuule, isho mwasunga sheka, na sho mufwile ukushipitulukamo. Nga mwapitulukamo, mufwile ukubilisha ku cilonganino muli lipoti wa ndalama uukakonkapo.

◼ Kalemba na kangalila wa mulimo bafwile ukupituluka mu fyalembwa fya bapainiya ba nshita yonse. Nga kuli abali no bwafya bwa kufisha amaawala yafwaikwa, baeluda bafwile ukutantika pa kuti bengafwa aba bapainiya. Moneni ifyebo fimbi muli bakalata ba pa mwaka aba S-201.