Ukubilisha
◼ Impapulo sha kushalika mu March: Tukalatambika icitabo cipya icitila Bushe Cinshi Baibolo lsambilisha? Esheni na maka ukutendeka amasambililo ya Baibolo. April na May: Tambikeni bamagazini ba Ulupungu lwa kwa Kalinda na Loleni! bonse babili. Nga mwabwelela ku balesekelela na ku basangwa ku Cibukisho nelyo abasangwa ku kulongana kumbi ukwa cilonganino lelo abashilakosa ukulongana, mulebika sana amano ku kubatambika icitabo cipya icitila Bushe Cinshi Baibolo Isambilisha? Ico tukalashalikila ici citabo, kufwaya ukutendeka amasambililo ya Baibolo mu citabo cine ci. June: Tambikeni icitabo ca Sambilila Kuli Kasambilisha Mukalamba. Nga ca kutila bamo batila tabakwata bana, balangeni icitabo citila Icabe Nkaama ku Nsansa sha Lupwa.
◼ Apo mu April muli ifibelushi fisano ne nshiku sha mulungu shisano, kuti mwawama ukubombamo bupainiya bwa kwafwilisha.
◼ Icibukisho cikabako pali Citatu, pa April 12, 2006. Nga ca kutila pali Citatu mulalongana, uko kulongana kuti mwakusesesha pa bushiku bumbi mu mulungu ilyo kushili abalebomfya Ing’anda ya Bufumu. Nomba nga cayafya ukusanga ubushiku mwingalongana, kabili nga ca kutila mukwata Ukulongana kwa Mulimo pali Citatu, ninshi kuti mwasalapo fye amalyashi ayakumine sana icilonganino cenu no kuyalanda pamo na malyashi yambi mu Kulongana kwa Mulimo kumbi.
◼ Aba mu filonganino fyakwatila Amayanda ya Bufumu mu ncende ya bakaunselo abakwata ne fipepala bapeelelapo incende, pamo nga Land Record, Title Deed nelyo Occupancy License, tulebacinkulako ukuti bafwile ukulalipila umusonko kuli bakaunselo. Cila cilonganino cifwile ukulipila “umusonko kuli Kaisare” kabili uyu musonko ufwile ukuba pa fyo icilonganino cilipila lyonse. (Rom. 13:6, 7) Umusonko wa ku kaunselo uo ifilonganino fishilipila, ni ulya batila Property Rate, nge fyo twaumfwile mu Ubutumikishi Bwesu Ubwa Bufumu ubwa April 2005.
◼ Watchtower Library uwa 2005: Ukulingana no kubilisha kwali mu Ubutumikishi Bwesu Ubwa Bufumu ubwa July 2005, Watchtower Library iya pa kompyuta yakulafuma cila mwaka. Mukaba impapulo ishafuma ukufika mu 2005. Kabili mukaba ne fintu fibili ifipya. Cimo lilembo lya bushiku na mashiwi yalandwapo ukufuma mu katabo ka Ukubebeta Amalembo Cila Bushiku e lyo no kutantika kwe Sukulu lya Butumikishi Ilya Bulesa. Cila nshita nga mwaisula Watchtower Library pa kompyuta, ica kulabalilapo ukumoneka, lilembo lya ubo bushiku e lyo ne fyebo fyalandwapo ukufuma mu katabo ka Ukubebeta Amalembo. Pe samba pakulaba ukutantika kwe Sukulu lya Butumikishi Ilya Bulesa muli uyo mulungu. Ica bubili icipya ca kuti ifyebo mu ndimi shapusana fyakulaisukila pamo. Kale nga mwabika Watchtower Library pa kompyuta wenu mu ndimi shibili no kucilapo, tutile iciNgeleshi ne ciSpanish, tafyalebombela pamo. Nomba cakulaba shani? Muli iyi iya mu 2005 yena, nga mwaisula Watchtower Library mu ndimi shibili no kucilapo, e lyo mwafwaya ifyebo mu lulimi lumo no kwisula apali ifyo fyebo, ifyebo fimo fine fyakulamoneka na mu ndimi shimbi pa nshita imo ine. Ici cikaafwa sana balya abaishiba indimi ishingi umo Watchtower Library yaba. Ici cakulacitika fye nga ca kutila Watchtower Library mu ndimi mulebomfya, yafumine mu 2005. Iyi Watchtower Library iipya tayakulabomba pali bakompyuta babomfya programu witwa Windows 95, kano pali aya amaprogramu: Windows 98, Millenium, NT, 2000, XP, nelyo yambi ayapya. Ifilonganino nomba kuti fyatendeka ukuorda Watchtower Library—2005. Uyu Librare apangilwa fye Inte sha kwa Yehova. Pe pepala balemba impapulo shituminwe, bakalalembapo ukuti ‘pa numa,’ mpaka fye bakatume uyu CD.
◼ Icishibisho Kuli Bakampanya ba Mpapulo na Bakalemba: Pa kwishibisha aba ku musambo ukuti mwapokelele ifipe ifishili fyenu, mukwai mulekwata ipepala balembapo impapulo bamutumine. Nga ni kalata mwalemba, mukwai bikenimo ne pepala balembelepo impapulo bamutumine.