Ukubilisha

◼ Ifitabo fya kushalika mu July na August: Broshuwa ya mabula 32 iili yonse pali aya: Ipakishe Ubumi pe Sonde Kuli Pe na Pe!, Kamfulumende Iikaleta Paradaise, Bushe Lesa mu Cituntulu Alatusakamana?, Ilyo Untu Watemwa Afwa, Mulelola!, Imipashi ya Bafwa, Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Kuti Mwaba Cibusa wa kwa Lesa!, na Inshila Iitwala ku Mweo. September: Tukalashalika icitabo ca Baibolo Isambilisha. Tufwile ukubika sana amano ku kutendeka isambililo lya Baibolo pa muku fye wa kubalilapo ilyo twatandalila umuntu. Nga mwashalike mpapulo, mufwile ukubwelelako pa kuti mukatendeke isambililo lya Baibolo no muntu mwashila ulupapulo. October: Shalikeni magazini ya Ulupungu lwa kwa Kalinda na Loleni! Nga mwasanga abalesekelela, bashileni broshuwa wa Mulelola! pa kuti batemwe sana ifyaba mu Baibolo. Ku ntanshi uku tuleya, amaofesi ya musambo yakebwa pa kupekanya ukuliko ukwa kushalika Imbila ya Bufumu.

◼ Ukutendeka mu September, bakangalila ba miputule bakalalanda ilyashi llya cintubwingi likalatila: “Bushe Bukapepa Bwenu Bwaba Shani?”

◼ Ukutendeka mu mulungu wa January 8, 2007 pe Sambililo lya Citabo, tukalasambilila icitabo citila Ukusokolola—Akalume ka Kuko Kakalamba Nakapalama! Ici citabo calapulintwa na mu filembo ifikalamba. Ifilonganino fifwile ukuordela limo ifi fitabo ifya kubomfya pe sambililo.

◼ Tulemucinkulako ukutila amaformu ya kwipushishapo bupainiya bwa nshita yonse yaletumwa ku musambo, ilyo kucili imyeshi itatu ukuti ubushiku mulefwaya ukutendeka ukubomba bufike. Kalemba pa cilonganino afwile ukupitulukamo mu maformu pa kuti amone fyonse ifilekabilwa nga nafilembwa. Nga ca kutila abaleipusha ukuba bapainiya tabaleibukisha ubushiku babatishiwe kuti baesha ukumona ubushiku ubupalileko no kusunga ubo bwine. Kalemba afwile ukulemba ubu bushiku pa Calembwa ca Bukasabankanya ica Cilonganino (S-21).

◼ Bakalemba mu filonganino bafwile ukukwata Kalata wa Kusontelwapo Bupainiya (S-202) uwa kwa painiya wa nshita yonse umo na umo mu cilonganino. Nga tabakwete, bafwile ukulembela kwi ofesi lya musambo.

◼ Ukupenda impapulo shonse na bamagazini mukwete ukucitwa cila mwaka kufwile ukubako pa August 31, 2006 nelyo pa bushiku bumbi ubupalemeko sana. Uku kupenda kwalipalana na kulya ukwa cila mweshi ukubako lilya kampanya apenda ifitabo fyonse ifilipo. Ifitabo fyonse ifilipo fifwile ukulembwa pali formu wa Ukupenda Ifitabo. Ipusheni ababombela kuli bamagazini mu cilonganino cimo na cimo bamwebe impendwa ya bamagazini abalipo. Kalemba wa mu cilonganino icileampanya afwile ukulolekesha pali uku kupenda. Kangalila wa kutangilila na kalemba aba mu cilonganino icileampanya, bakasaina uyu formu. Icilonganino cimo na cimo icileampanya cikapokelela amaformu yatatu aya Ukupenda Ifitabo (S-18). Mukwai tumeni formu wa kubalilapo kwi ofesi lya musambo ilyo September 6 ishilafika. Sungeni formu wa bubili mu mafaelo yenu. Formu wa butatu kuti abomfiwa ku kulembapo pa kupenda.

◼ Impapulo shipya ishilipo:

Icitabo Candi ca Malyashi ya mu Baibolo.—Lunda