Ukupitulukamo kwe Sukulu lya Butumikishi Ilya Bulesa
Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa October 30, 2006. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa September 4 ukufika October 30, 2006. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Nonkelenimo, amabu. 36-7.]
UKUFUNDA PA MILANDILE
1. Mulandu nshi ukuilama kwacindamina pa kulanda, kabili ni shani twinganashako ukusakamana? [be ibu. 135 para. 5–ibu. 137 para. 2, imikululo]
2. Nga batwipusha pa fisumino fyesu, mulandu nshi tulingile ukwesha na maka ukubomfya Baibolo pa kwasuka? [be ibu. 143 amapara. 1-3]
3. Ni shani twingaba abakampuka pa kubomfya Baibolo? [be ibu. 144, umukululo]
4. Mulandu shi cacindamina ukulabomfya sana Baibolo nga tulesambilisha mu mulimo, kabili kuti twakoselesha shani ibumba ukuti baleibomfya mu kulongana kwa cilonganino? [be amabu. 145-6, imikululo]
5. Milandu nshi ibili iyo tukwata nga twapunda ilembo? [be ibu. 147 para. 2]
ILYASHI NA. 1
6. Bukombe nshi ubwacindama ubwaba mu Amalumbo? [si ibu. 104 para. 23]
7. Ni lilali Amapinda yalembelwe no kulonganikwa? [si ibu. 107 para. 5]
8. Ipinda cinshi, kabili mulandu nshi umutwe wa lyashi wa ciHebere uwe buuku wabela uwalinga? [si ibu. 107 para. 6]
9. Pa Amapinda 2:1-5, cinshi baloshako ilyo batukoselesha ukutwalilila ukulafwaya ukwishiba, ukwiluka, no mucetekanya “nga silfere, no kufifwimfwinta nge fyuma ifyashikama”? [be ibu. 38 para. 4]
10. Ni shani fintu ibuuku lya Amapinda lisokolola imifwaile yaliko iya kunonsha? [si ibu. 109 para. 19]
UKUBELENGA BAIBOLO UKWA CILA MULUNGU
11. Davidi ‘atekele shani umutima no kutalalika umweo kwati mwana uwasumuka kuli nyina,’ kabili ni shani twingamupashanya? (Amalu. 131:1-3)
12. Mashiwi nshi aya kukoselesha ayo twingasanga mu mashiwi yapuutwamo pa Amalumbo 139:7-12?
13. Filangililo nshi fimo ifya bukulu bwa kwa Yehova ifyo twingamulumbanishishapo mu mapepo yesu na lintu tuli mu mulimo? (Amalu. 145:3)
14. Ni mu nshila nshi ukutiina Yehova kwabela e “kutendeka kwa kwishiba” kabili “ukutendeka kwa mano”? (Amapi. 1:7; 9:10)
15. Finshi fyasanshiwamo mu mashiwi yaba pa Amapinda 7:1, 2, aya kuti, “ifyebo fyandi” na “amafunde yandi”?