Ukusambilila Icitabo ca Pepeni Lesa
1 Ici citabo ca Pepeni Lesa Wine Wine Eka ca kusambilila na bapya ilyo fye bapwisha ukusambilila mu citabo ca Baibolo Isambilisha. Ukusambilila ici citabo pe Sambililo lya Citabo pa Cilonganino kukatwafwa ukubomfya bwino icitabo cine ci mu mulimo wa mwi bala kabili kukalundako ukutemwa kwesu no kutasha Yehova no kuteyanya kwakwe. Bushe kuti twacita shani pa kuti tukanonkelemo sana mu kusambilila icitabo ca Pepeni Lesa?
2 Ifya Kutungulula Isambililo: Apo tukalasambilila icipandwa cimo icituntulu cila mulungu, bakangalila ba masambililo ya fitabo balingile ukwakanya bwino inshita. Tabafwile ukulefya ukulanshanya mu maparagrafu ya kwiswila, lelo bali no kuleka inshita ikalamba ikabomfiwe ku fyebo fyacindamisha, ifyo ilingi line fiba mu maparagrafu ya ku ntanshi mu cipandwa. Ukulanshanya umukululo wa kupitulukamo pa mpela ye sambililo limo na limo kukaafwa abasangilweko ukwibukisha ifishinka fikalamba.
3 Amepusho ya kwetetulapo no kulanshanya e mo yali mu fipandwa ifingi muli ci citabo ca Pepeni Lesa. Pa mabula 48-49 pali ica kumwenako cimo. Uulebelenga amaparagrafu talekabila ukubelenga ayo mepusho. Pa kulanshanya ayo mepusho, kangalila we sambililo alingile ukuleka amalembo yaloshiweko ukubelengwa no kulanshanyapo nga kuli nshita.
4 Ukupekanishisha Kabela: Pa kupekanya isambililo pekanyeni bwino te kushila fye ifyasuko iyo. Ukwetetula kwa cine cine pa malembo yaloshiweko kukalenga tukapekanye ifyasuko fyesu, e lyo ne cacindamisha ca kuti, tukateyanye imitima yesu. (Esra 7:10) Ifwe bonse kuti twakoseleshanya nga tuleasukapo kabili pa kwasuka tuleshilako bambi nabo baasukapo.—Rom. 1:11, 12.
5 Ukusambilila icitabo ca Pepeni Lesa kukatupalamika kuli Yehova no kutupangasha ukwafwa aba mitima ya bufumacumi ukwisamupepa pamo na ifwe. (Amalu. 95:6; Yako. 4:8) Shi ifwe bonse natukanonkelemo nga nshi muli uku kutantika kwa ku mupashi kushaiwamina.
[Akabokoshi pe bula 7]
Pepeni Lesa Wine Wine Eka
Ukutantika ifyo tukalasambilila ukutendeka mu mulungu wa January 8, ukufika ku mulungu wa May 28, 2007.
UMULUNGU WA ICIPANDWA
January 8: icipa. 1
15: icipa. 2
22: icipa. 3
29: icipa. 4
February 5: icipa. 5
12: icipa. 6
19: icipa. 7
26: icipa. 8
March 5: icipa. 9
12: icipa. 10
19: icipa. 11
26: icipa. 12
April 2: icipa. 13
9: icipa. 14
16: icipa. 15
23: icipa. 16
30: icipa. 17
May 7: icipa. 18
14: icipa. 19
21: icipa. 20
28: icipa. 21