Ifya Kubilisha
◼ Impapulo sha kubomfya mu mulimo wa mwi bala mu January: Icitabo conse ica mabula 192 icalembelwe pa mapepala ayamoneka aya kaaki nelyo icalembelwe ilyo 1991 ishilafika kuti mwacibomfya. Ifilonganino ifishikwete ifi fitabo fyonse ifya kale, kuti babomfya icitabo ca Ukwishiba nelyo broshuwa ya kuti Mulelola! February: Tukalapeela bantu icitabo citila Palameni Kuli Yehova. Nga tamukwete ici citabo pa cilonganino, bomfyeni icitabo citila Ukusokolola nelyo impapulo shimbi isha kale ishilipo. March: Shalikeni icitabo citila Baibolo Isambilisha kabili esheni na maka ukutendeka amasambililo ya Baibolo. April: Tukalapeela abantu Ulupungu lwa kwa Kalinda na Loleni! Nga mwabwelela ku bantu abalefwaya ukusambilila, e lyo na ku basangwa ku Cibukisho nelyo abasangwa ku maprogramu yambi aya ku mupashi lelo abashilati batendeke ukulalongana lyonse ne cilonganino, esheni ukubapeela icitabo citila Baibolo Isambilisha no kutendeka isambililo lya Baibolo nabo.
◼ Ukutendeka mu February, kabili te kucila pa March 4, ilyashi lipya ilya cintubwingi ilyo bakangalila ba miputule bakalalanda likwete umutwe wa kuti “Ni Bani Bakalinga Ukwingila mu Calo Cipya ica kwa Lesa?”
◼ Mu Kulongana kwa Mulimo kumo mu April, mukaba ilyashi limo ilyo tukalanshanya pali vidio itila Young People Ask—What Will I Do With My Life? Nga mulefwaya iyi vidio, ordeni ukupitila mu cilonganino nomba line.
◼ Ifilonganino filingile ukupekanya bwino ukusefya Icibukisho ca uno mwaka icikaba pali Cimo, pa April 2, ilyo akasuba kakawa. Nangu ca kutila ilyashi lyena kuti lyatendeka bwangu, lelo tamufwile ukutendeka ukupishamo ifimpashanya ilyo akasuba kashilawa. Nga mulefwaya ukwishiba inshita akasuba kakawa bulya bushiku, kuti mwaipusha abapima inshita akasuba katula no kuwa kuli iyo ncende. Cila cilonganino cilingile ukwesha na maka ukusefya Icibukisho ceka. Lelo, te lyonse ici cingacitika. Nga ca kuti ifilonganino ifingi fibomfya Ing’anda ya Bufumu imo, nalimo icilonganino cimo nelyo na fimbi kuti bayashima icikuulwa cimbi emo balonganina ico cungulo bushiku. Uko cingalinga, kuti twatemwa icilonganino cimo nga capwa ukusefya Icibukisho papita amaminiti 40 e lyo cimbi na co catendeka ukulongana pa kutila kwaba ukuposhanyako panono pa numa ya Cibukisho. Na kabili mufwile ukumona nga kukaba icifulo icalinga ukwa kwimika bamotoka, ukubikapo ne ncende uko abantu bakalaikilila no kuninina. Ibumba lya baeluda e likasala ico bakamona ukuti e cikawama ku mwabo.
◼ Mu nshita ya Cibukisho (March ukufika mu May) mu 2007 mwikatuma orda wa tupepala twa kwitilapo abantu ku Cibukisho pantu tukatuma ku filonganino fyonse ilyo Icibukisho cishilafika. Utu tupepala tukaba mu Chichewa, mu Chitonga, mu Cibemba, IciNgeleshi, ciKaonde, IciLunda, IciLubale, IciLozi, ne ciSwahili. Ukutendeka mu 2007 ukuya ku ntanshi, utupepela tatwakabe twa cila mwaka, e co, mufwile ukusunga utukashalapo pantu tukalabomfya tumo twine cila mwaka. Kanshi bakasabankanya balingile ukulembapo inshita na keyala ilyo balefwaya ukupeela bamo apo pene, te kulembela limo iyo. Pantu utupepala utukashalapo kuti mwatubomfya umwaka wakonkapo nga ca kuti tamwalembelepo nangu fimo. Nga mulefwaya na tumbi nelyo nga mulefwaya utwa mu ndimi shimbi, ninshi e lyo mwingatuma orda pali formu wa kuordelapo ifitabo uwa S-14. Mukwai langilileni ukuti uyu orda mulefwaya kulunda pa tupepala mwapokelele.
◼ Impapulo Shipya Ishilipo:
Sambilileni Ukubelenga no Kulemba—CiKaonde