Ifya Kubilisha
◼ Impapulo sha kushalika mu May: Ulupungu lwa kwa Kalinda na Loleni! Nga mwabwelela ku bantu abalesekelela, e lyo na ku basangilwe ku Cibukisho nelyo abasangwa ku kulongana kumbi ukwa cilonganino lelo abashilakosa ukulongana, mulebika sana amano ku kubatambika icitabo ca kuti Ico Baibolo Isambilisha. Umulandu tukalashiila abantu ici citabo, kufwaya ukutendeka ukubasambilisha Baibolo. June: Shalikeni icitabo ca Creator nangu Insansa sha Lupwa. July na August: Broshuwa onse uwa mabula 32 pali aya kuti abomfiwa: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, Mulelola!, “Moneni! Ifintu Fyonse Nafilenge Fipya, Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi?—Ni Shani Fintu Wingaisanga?, e lyo na Ilyo Untu Watemwa Afwa. Kuti mwashiila abantu abengatemwa na mabroshuwa yakonkapo: A Book for All People, Our Problems—Who Will Help Us Solve Them?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, ne ya kuti Will There Ever Be a World Without War?
◼ Indalama shisangulwa pa kulongana kwa muputule, ukulongana kwaibela no kwa citungu e lyo ne shipooswa mu tubokoshi pa Ng’anda ya Bufumu isha kwafwilisha umulimo wa mwi sonde lyonse pamo ne sha Mayanda ya Bufumu, kuti cawama shaba mu maKwacha. Ilyo mushilasangula indalama ukubomfya cheke, ipusheni kalemba pa cilonganino, kangalila wa kulongana kukalamba nelyo kangalila wa kulongana kwa citungu nga kuti caba fye bwino ukubomfya cheke ne fyo cheke ingatumwa. Cheke ya ndalama shisangulwa isha kutuma kwi ofesi lya musambo ifwile ukulembwapo ukuti ipeelwe ku “Watch Tower Society.” Akeyala ke ofesi lya musambo ni Watch Tower Society, Box 33459, Lusaka 10101.
◼ Ilyo munyinefwe talalanda ilyashi lya bwinga, afwile intanshi apituluka mu maparagrafu yaba pe bula 20 mu cipande caba mu Ulupungu lwa kwa Kalinda ulwa October 15, 2006 pa mutwe wa kuti “Ifyupo Ifyo Lesa na Bantu Bamona Ukuti fya Mucinshi.” Nga ca kutila ilyashi lya bwinga ilyo ali no kulanda lya bantu baupanine ku maofesi ya buteko, akalanda mu lyashi ukuti balyupana kale ukulingana ne funde lya buteko. Nga ca kutila pa kulembesha icupo cabo tabalapile, limbi abaleupana kuti batemwa ukulanda imilapo yabo ilyo alelanda lyashi lyabo. Nga ca kutila ilyo balelembesha ku maofesi ya buteko balilapile lelo balefwaya ukulanda imilapo yabo kuli Yehova ne cilonganino, imilapo yabo ifwile ukulandwa mu nshila ya kuti caumfwika ukutila ‘balilundana kale.’ Ilyo fye abaleupana bengalanda imilapo ya cupo iyingomfwika ukuti ni pali ubo bwine bushiku baleupana, ni lintu abo bantu balelembesesha icupo cabo mu Ng’anda ya Bufumu iyalembeshiwa ku buteko kabili pa ntanshi ya kwa munyinefwe uwapeelwa insambu ku buteko isha kufya abantu. Nga ca kuti kalanda tasuminishiwa ku buteko ukufya ninshi tafwile ukubomba uyu mulimo.
◼ Tuli no kutampa ukulabelenga ibuuku lya kwa Daniele mu kubelenga kwa mulungu no mulungu ukwa Baibolo mwi Sukulu lya Butumikishi Ilya Bulesa ukutendeka no mulungu wa September 24. Tulemukoselesha ukuti mukalebomfya icitabo ca Ukusesema kwa kwa Daniele ne mpapulo shimbi pa kufwaya ifyebo. Nga mulefwaya ifitabo na fimbi kuti mwaorda ukupitila mu cilonganino pali S-14.
◼ CD iyipya iyilipo:
Sing Praises to Jehovah—MP3 (mpsb-E)—IciNgeleshi
◼ Ama DVD yapya ayalipo:
The Good News According to John—On DVD (dvJoh-ASL)—American Sign Language
The Good News According to Mark—On DVD (dvMr-ASL)—American Sign Language
To Whose Authority Do You Submit—On DVD (dvsa-ASL)—American Sign Language
◼ Impapulo shatulumana ishiliko:
2004 Yearbook of Jehovah’s Witnesses—IciNgeleshi
2005 Yearbook of Jehovah’s Witnesses—IciNgeleshi ne ciSwahili
2006 Yearbook of Jehovah’s Witnesses—IciSwahili