Ifya Kubilisha
◼ Impapulo sha kushalika mu January 2008: Kuti mwashalika icitabo icili conse ica mabula 192 icalembelwe pa mapepala ayamoneka aya kaaki nelyo icalembelwe ilyo 1991 ishilafika. Ifilonganino ifishikwete ifi fitabo, kuti bashalika icitabo ca Ukwishiba (nga nabakwata) nelyo broshuwa ya kuti Mulelola! February: Is There a Creator Who Cares About You? nelyo Icaba Inkaama ku Nsansa sha Lupwa. March: Bushe Cinshi Baibolo Isambilisha? Bombesheni ukutendeka amasambililo ya Baibolo. April: Tukalashalika bamagazini bonse babili, Ulupungu lwa kwa Kalinda na Loleni! Tukabombesha ukutandalila abalesekelela abashisangwa lyonse mu kulongana lelo abasangilwe ku Cibukisho na ku lyashi lya ku cintubwingi ilyaibela. Ico tukalatandalila aba bantu kufwaya ukutendeka amasambililo ya Baibolo nabo.
◼ Apo umweshi wa March ukwete Ifibelushi fisano ne nshiku sha pa Mulungu shisano, kuti waba mweshi usuma nga nshi ukubombamo bupainiya bwa kwafwilisha.
◼ Ukutendeka mu February, ukwisafika pa March 2, bakangalila ba muputule bakalalanda ilyashi lipya ilya ku cintubwingi ilikalatila: “Nani Uwingamwafwa nga Muli no Bwafya?”
◼ Ifilonganino filingile ukupekanya bwino ukusefya Icibukisho ca uno mwaka icikaba pa Cibelushi, pa March 22, ilyo akasuba kawa. Nangu ca kutila ilyashi lyena kuti lyatendeka bwangu, lelo tamufwile ukutendeka ukupishamo ifimpashanya ilyo akasuba kashilawa. Nga mulefwaya ukwishiba inshita akasuba kakawa bulya bushiku, kuti mwaipusha abapima inshita akasuba katula no kuwa kuli iyo ncende. Cila cilonganino cilingile ukwesha na maka ukusefya Icibukisho ceka. Lelo, te lyonse ici cingacitika. Nga ca kuti ifilonganino ifingi fibomfya Ing’anda ya Bufumu imo, nalimo icilonganino cimo nelyo ukucilapo kuti fyayashima icikuulwa cimbi emo balonganina ico cungulo bushiku. Nga cingacitika, kuti twatemwa icilonganino cimo nga capwa ukusefya Icibukisho papita amaminiti 40 e lyo cimbi na co catendeka ukulongana, pa kutila bonse bakwate inshita ya kuposhanya pa numa ya Cibukisho. Na kabili mufwile ukumona nga kukaba icifulo icalinga ukwa kwimika bamotoka, ukubikapo ne ncende uko abantu bakalaikilila no kuninina. Ibumba lya baeluda e likasala ico bakamona ukuti e cikawama ku mwabo.
◼ Apo amaBaibolo yesu fya bupe, tulingile ukulanga ukuti tulatasha. Bushe kuti twalanga shani ukuti tulatasha? Ni lyo fye tuletwalila abasambi ba Baibolo abalelunduluka kabili ababelenga kabili abasangwa ku kulongana. Te ya kushalika mu mulimo wa mwi bala.
◼ Ilingi line ifya kubilisha ifiba mu Ubutumikishi Bwesu Ubwa Bufumu fyalicindama nga nshi. Mulaba ifyo twingacita no kukonka ilyo tuleorda impapulo shesu. Kanshi ababomfi ba fitabo bafwile ukupoka bwangu Ubutumikishi Bwesu Ubwa Bufumu cilya fye bwafika pa cilonganino. Balingile ukubelenga ifya kubilisha no kucite ifilefwaikwa bwangu bwangu.
◼ Bakangalila wa Kutangilila bafwile ukumona ukuti impendwa ya Ubutumikishi Bwesu Ubwa Bufumu ubo bapokelela nabukumanina kabili bafwile ukumona ukuti nabakwata no bwalundwako bunono. Nga ca kuti bapokelela impendwa ukucila pa fyo icilonganino cilekabila, bafwile kubomfya Formu ya Kuordelapo Bamagazini M-202 pa kuti bacefyeko impendwa. Nga ca kutila bapokelela ubunono kuti cawama na lyo line balundako impendwa. Bafwile ukupeela bakasabankanya bonse e lyo na basangwa lyonse ku kulongana kwa mulimo kabili abalelunduluka ica kuti balefwaya ukutendeka ukulashimikila. Mufwile ukushako kope imo iya kubika mu laibrare ya mu Ng’anda ya Bufumu. Abatamfiwa tabafwile ukupokako Ubutumikishi Bwesu Ubwa Bufumu. (Moneni Ubutumikishi Bwesu Ubwa Bufumu ubwa February 1987.)
◼ Nomba natukwata vidio ipya iikwete umutwe wa kuti Pursue Goals That Honor God—pa DVD (dvpsg) nga fintu ukubilisha kwali mu Ubutumikishi Bwesu Ubwa Bufumu ubwa December. Muli iyi vidio muli icilangililo icali pa kulongana kwa citungu ukwa mu 2005. Ilelangilila amafya ayo abaice bakwata ilyo balefwaya ukubombela Lesa ukufika apapelele amaka yabo, kabili bacita ifyo ukwabula ukupumbulwa ku fintu fimbi pa kuti fye babombe ifyo bapanga ukucita. Mu cilangililo Timote ayafwa munyina wacaice ukutwalilila no buyo bwakwe ubwa kubombela Lesa. Acita ifyo pa kumushimikila amafya apitilemo ilyo aletwalilila ukubomba umulimo wa nshita yonse. Ici cilangililo kuti calenga abaice ukumfwikisha amafya ayabapo nga ca kuti abafyashi nelyo ifibusa tabali baNte. Lelo ukubishanya sana no mutumwa Paulo uwali uwakosoka kwaafwile Timote ukutwalilila ukubomba umulimo wa nshita yonse. Iyi DVD ikafwa abaice ukutwalilila ukuba mu cine e lyo no kupampamina fye pa buyo bakwata ubwa kubomba umulimo wa nshita yonse. Pali ino nshita, ici cilangililo cili fye mu ciNgeleshi.
◼ Ukutendeka umulungu wa August 4, 2008, tukalasambilila icitabo icitila Live With Jehovah’s Day in Mind pe Sambililo lya Citabo.