Ifya Kubilisha

◼ Ulupapulo lwa kushiila abantu mu March: Icitabo ca kuti Bushe Cinshi Baibolo Isambilisha? Mukabombeshe ukutampa amasambililo ya Baibolo. Mu April na mu May: Ulupungu lwa kwa Kalinda na Loleni! Kukaba ukubombesha kwa kutandalila abapya abasangilwe ku Cibukisho na kwi lyashi lya cintubwingi ilyaibela lelo abashiisa lyonse ku kulongana. Umulandu ukalamba uwa kutandalila abo bantu wa kufwaya ukutampa isambililo lya Baibolo na aba kuti tabalati batampe ukusambilila. June: Icitabo ca kuti Ukusapika Lesa Ukwa Mutundu wa Muntu nangu ica kuti Baibolo—Cebo ca kwa Lesa Nelyo ca Muntu? Ifilonganino fishikwete ishi mpapulo kuti babomfya icitabo ca kuti Pepeni Lesa Wine Wine Eka.

◼ Ifilonganino filingile ukupeela bakasabankanya bamagazini abapya aba Ulupungu lwa kwa Kalinda na Loleni! lilya line fye bafika. Ici cikalenga bakasabankanya ukwishiba ifili muli magazini ilyo bashilatendeka ukushalika mwi bala.

◼ Munyinefwe uo kangalila wa kutangilila asonta alingile ukupituluka mu ndalama sha cilonganino isha mu December, January, na February. Tamulingile ukukonkanya ukulabomfya umuntu umo wine ukupituluka mu maakaunti. Nga mwapitulukamo, mufwile ukubilisha ku cilonganino pa numa ya kubelenga lipoti ya ndalama iikakonkapo.—Moneni Amakambisho pa fya Kubomba na Maakaunti ya Cilonganino (S-27).

◼ Iofeshi lya musambo talitumina impapulo basabankanya abaorda pa lwabo. Bakasabankanya bafwile ukuorda impapulo ukupitila mu cilonganino. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa mpapulo kwi ofesi lya musambo pa kuti bonse abalefwaya impapulo balembeshe kuli munyina uubombela ku mpapulo. Kuti cawama ukulaibukisha ukuti impapulo shimo bashiorda mu nshila yaibela. (Icilonganino cilingile ukuorda fye ishi mpapulo nga kuli bamo abaleshifwaya.) Mufwile ukutuma formu ya kuordelapo impapulo (S-14) bwangu cila mweshi nangu pali formu mulembelepo fye utunono.

◼ Ababomfi ba magazini bafwile ukumona impendwa balepokelela iya Ulupungu lwa kwa Kalinda ulwa kusambililamo e lyo no lwa bantu bonse ukubikako fye na Loleni! Nga bamona ukuti balepokelela magazini iingi sana nangu iinono sana, balingile ukwalula bwangu bwangu pali Formu ya Kuordelapo Bamagazini (M-202). Muleibukisha ukuti kuti papitako imyeshi inono pa kuti baalule ukulingana ne fyo mwe bene mulefwaya.

◼ Ifilonganino kuti fyatendeka ukuorda amabaundi volyumu ya The Watchtower na Awake! aya mwaka wa 2007. Amabaundi volyumu yakaba mu ciNgeleshi na mu ciFrench. Pa mutande wa kulongelapo ifitabo uwa cilonganino, bakalalembapo abati ifikesa pa numa mpaka amabaundi volyumu yakabeko no kutumwa. Amabaundi volyumu fipe fya kuorda mu nshila yaibela.

◼ Impapulo Shipya Ishilipo:

‘Iseni Mulenkonka’ (cf)—mu Chichewa, mu Cibemba, mu ciNgeleshi, na mu ciFrench

‘Iseni Mulenkonka’—Mu Filembo Ifikulu (cflp) mu Cibemba, mu ciNgeleshi, na mu ciFrench

Watch Tower Publication Index 2006 (dx06)—American Sign Language